ماڭعىستاۋ وبلىسىندا ەر ادام كامەلەت جاسقا تولماعان ءجاسوسپىرىمدى ۇيلەنۋ ءۇشىن الىپ قاشقان. بۇل جايىندا Tumba.kz جازادى.

بۇل وقيعا اعىمداعى جىلدىڭ ءساۋىرىنىڭ سوڭىندا بولعان. الايدا بۇل جاعداي قۇقىق قورعاۋ ورگاندارىنا ءقازىر بەلگىلى بولىپ وتىر. 21 جاستاعى شەتپە اۋىلىنىڭ تۇرعىنى جەلتوقساندا 16-عا تولاتىن  اۋىلداسىن الىپ قاشقان. انىقتالعانداي، ەر ادام جاس قىزبەن جىنىستىق قاتىناستا بولعان.

ەر ادامعا قانداي شارا قولدانىلاتىنى ءالى بەلگىسىز. زاڭگەرلەردىڭ ايتۋىنشا، ەلىمىزدە كامەلەت جاسقا تولماعان جاسوسپىرىممەن جىنىستىق قاتىناسقا ءتۇسۋ قىلمىس بولىپ سانالادى.

زاڭ بويىنشا، 16 جاسقا تولماعاندارمەن زاڭدى نەكەگە تۇرۋعا رۇقسات جوق.  ال 16 جاستاعى بويجەتكەن زاڭدى نەكەگە كەيبىر جاعدايدا عانا تۇرادى، مىسالى، قىزدىڭ اياعى اۋىر بولعاندا.  

ق ر قىلمىستىق كودەكسىنىڭ 122 بابىنا سايكەس، 16 جاسقا تولماعان جاسوسپىرىممەن جىنىستىق قاتىناسقا تۇسكەندەر زاڭ بويىنشا ءۇش جىلعا باس بوستاندىعىنان ايىرىلادى نەمەسە التى ايعا قامالادى نەمەسە بەس جىلعا سوتتالادى.