ەلباسى بەلگىلەگەن ستراتەگيالىق رەفورمالارداعى ەڭ ماڭىزدىسى كاسىبي جانە ءتيىمدى مەملەكەتتىك اپپاراتتى قالىپتاستىرۋ بولىپ تابىلادى. جاستاردىڭ مەملەكەتتىك باسقارۋداعى ۇلەسىن كۇشەيتۋ، جاستاردىڭ اراسىنان دارىندى جانە بىلىكتى كادرلاردى دايارلاۋ ماسەلەسى ءبىرىنشى كەزەكتەگى مىندەت بولىپ تابىلادى.

ادام كاپيتالىن دامىتۋ جانە پەرسونالدى كاسىبيلەندىرۋ سياقتى ماسەلەلەر ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتى باستىشى ءا.كومەكبايەۆ قاتىسۋىمەن وسى جىلدىڭ مامىر ايىندا ۆەنەسيادا وتكەن ەقىۇ-نىڭ ەكونوميكالىق جانە ەكولوگيالىق فورۋمىندا دا تالقىلاندى.

وسىعان بايلانىستى، بۇگىن دەپارتامەنت وبلىس دەڭگەيىندە تۇركىستان  اكىمدىگىمەن بىرلەسە وبلىستىڭ 60-قا جۋىق مەملەكەتتىك ورگاندارىنىڭ قاتىسۋىمەن «بوس مەملەكەتتىك اكىمشىلىك لاۋازىمداردىڭ جارمەڭكەسىن» ۇيىمداستىردى. ءىس-شارادا وبلىستاعى جەرگىلىكتى جانە اۋماقتىق مەملەكەتتىك مەكەمەلەردىڭ، ونىڭ ىشىندە اۋدان، قالا اكىمى اپپاراتتارىنىڭ وكىلدەرى بوس لاۋازىمدارىن ۇسىندى.

شارانىڭ نەگىزگى ماقساتى - مەملەكەتتىك قىزمەتتىڭ وڭ ءيميدجىن قالىپتاستىرۋ، وبلىستىڭ جەرگىلىكتى جانە اۋماقتىق اتقارۋشى ورگاندارىنداعى بوس مەملەكەتتىك اكىمشىلىك لاۋازىمدارعا ورنالاسۋ ءتارتىبىن جان-جاقتى ءتۇسىندىرۋ، سونداي-اق  ءوزىنىڭ بىلىكتىلىگى مەن قابىلەتتىلىگىن، ەڭبەكقورلىعىن كورسەتكەن ءاربىر ازاماتقا – مەملەكەتتىك قىزمەتتىڭ مۇمكىندىكتەرىن تانىستىرۋ ارقىلى جاستاردى مەملەكەتتىك قىزمەتكە تارتا وتىرىپ، وبلىستاعى جۇمىسسىزدىق دەڭگەيىن تومەندەتۋ.

جارمەڭكەنى دەپارتامەنت باسشىسى ءالي امانتاي ۇلى اشىپ بەردى.

دەپارتامەنت مەملەكەتتىك قىزمەتكە ورنالاسۋعا نيەت بىلدىرگەن ازاماتتارعا جارمەنكەنى ۇيىمداستىرىپ قانا قويماي، الداعى ۋاقىتتا جاستار مەن مەملەكەتتىك ورگاندار اراسىنداعى تىعىز بايلانىستى ورناتا وتىرىپ، ولاردىڭ قىزمەتكە كىرىسكەنىنە دەيىن سۇيەمەلدەۋدى كوزدەۋدە.

«بوس لاۋازىمدار جارمەڭكەسىنە» وبلىسىمىزداعى جوعارعى جانە ورتا وقۋ ورىندارىنىڭ ءبىتىرۋشى تۇلەكتەرى، جاسوسپىرىمدەر ءۇيىنىڭ جاستارى جانە جۇمىسسىزدىق بويىنشا تىركەۋدە تۇرعان جوعارى ءبىلىمدى ازاماتتار شاقىرتىلعان. 

قازىرگى تاڭدا، وبلىستا بارلىعى 575 مەملەكەتتىك ورگاندا 8769 مەملەكەتتىك لاۋازىم بار. اتالمىش لاۋازىمداردا 8412 مەملەكەتتىك قىزمەتشى قىزمەت اتقارسا، 357 (4%) بوس لاۋازىم بار.

سونداي-اق مەملەكەتتىك قىزمەتكە ورنالاسۋ ءتارتىبى جانە وبلىسىمىزداعى بوس لاۋازىمدار تۋرالى تولىق اقپاراتپەن www.kyzmet.gov.kz سىلتەمەسى ارقىلى تانىسۋعا بولادى.