بۇگىن الماتى قالاسىندا «سپورتتىق الماتى» باعدارلاماسى اياسىندا قالادا جەتىنشى ۆەلومارافون ءوتتى.

اقپاراتتىق جانە سپورتتىق حاب-تان ءمالىم ەتكەندەي، 800-گە جۋىق اۋەسقوي ادەتتەگىدەي «نۇرلى تاۋ» بيزنەس ورتالىعىندا باس قوستى.  بۇل جولى ولار 9 شاقىرىم قاشىقتىقتى باعىندىردى. ۆەلوشەرۋ مۇxتار اۋەزوۆ اتىنداعى دراما تەاتردىڭ ماڭىندا اياقتالدى.

مارە سىزىعىن ەڭسەرگەن قاتىسۋشىلار اراسىندا باعالى سىيلىقتار ويناتىلدى، كەيبىرى باستى سىيلىق - ۆەلوسيپەدتىڭ يەگەرى اتاندى. سولاردىڭ ءبىرى يليا شماروۆوز بولدى.

«مەن «گوۋ پرو» كامەراسىن جەڭىپ الا الماعانىما كوڭىلىم قۇلازىپ تۇر ەدى. الايدا، كەيىننەن ۆەلوسيپەد جەڭىمپازىنىڭ ءنومىرىن ەستىگەندە وتە قۋاندىم. بۇل مەنىڭ وسى جىلعى بەسىنشى ۆەلوشەرۋىم. بۇگىن اكەممەن جانە اعاممەن كەلدىم. ءوزىمنىڭ ۆەلوسيپەدىم ەسكىرىپ قالعان ەدى. ەندى ۆەلوشەرۋلەرگە جاڭاسىمەن قاتىسامىن»، - دەپ اسەرىمەن ءبولىستى جەڭىمپاز يليا شماروۆوز.

ايتا كەتەر جايت، بۇگىنگى ۆەلوشەرۋ «سپورتتىق الماتى» قالالىق باعدارلاماسىنىڭ قولداۋىمەن 2018 جىلعا جوسپارلانعان 21 ۆەلوشەرۋدىڭ جەتىنشىسى بولىپ تابىلادى.

«سپورتتىق الماتى» باعدارلاماسى مەگاپوليستەگى بۇقارالىق سپورتتى دامىتۋ ماقساتىندا جۇزەگە اسىرىلۋدا.