ورال قالاسى  بويىنشا  تۇرمىستىق  قاتتى قالدىقتاردى جيناۋعا، شىعارۋعا جانە كومۋگە ارنالعان ءتاريفتى بەكىتىلمەك. بۇل تۋرالى ورال قالالىق تۇرعىن ءۇي كوممۋنالدىق-شارۋاشىلىعى جانە تۇرعىن ءۇي ينسپەكسياسى ءبولىمىنىڭ باسشىسى ميرجان نۇرتازييەۆ بىلاي دەگەن بولاتىن.

– كۇنى بۇگىنگە دەيىن تۇرمىستىق قاتتى قالدىقتار ءتاريفى ءار ادامعا 115 تەڭگەنى قۇرادى. جاڭا ءادىس بويىنشا ەسەپتەۋ جۇرگىزگەنىمىزدە كىسى باسىنا بۇل باعا – 380 تەڭگەنى قۇرادى. ءبىراق الەۋمەتتىك جاعدايدى ەسكەرىپ، ءتاريفتى تومەندەتتىك. ءقازىر كوپقاباتتى ءۇي تۇرعىندارى ءۇشىن جاڭا تاريف ادام باسىنا – 215تەڭگەنى، ال جەكە تۇرعىن ۇيلەر ءۇشىن – 219 تەڭگەنى قۇراپ وتىر. تۇرمىستىق قالدىقتارد ى  جيناۋ، شىعارۋعا ارنالعان تاريف قۇنى ءبىر تەكشە مەترگە 705 تەڭگەنى قۇرايدى. تقق كومۋ – 1 تەكشەمەترى 160 تەڭگە،– دەيدى اتالمىش ءبولىم باسشىسى.

ورال تازا قالا سانالعانىمەن، كوپتەن بەرى پوليگون ماسەلەسى شەشىلمەي كەلە جاتقان بولاتىن. ءقازىر بۇل ماسەلە دە قولعا الىنعان. تۇرمىستىق قاتتى قالدىقتار ءتاريفى قالادا 2008 جىلدان بەرى وزگەرمەگەن. ەندى باعانى كوتەرۋگە تۋرا كەلگەن.

– «ورال تازا سەرۆيس» ج ش س شىعىنى كوپ كاسىپورىن. جۇمىسشىلاردىڭ جالاقىسى بەس جىلدا 30 پايىزعا عانا كوتەرىلدى، بۇل ارالىقتا نارىقتاعى باعا 3-4 ەسە ءوستى. قازاقستاننىڭ وزگە قالالارىندا قوقىس شىعارۋ باعاسى ءبىر ادامعا 175-500 تەڭگە ارالىعىندا. ءبىز رەسپۋبليكالىق دەڭگەيدەن تومەن تاريف بەكىتتىك، – دەيدى ورال قالاسىنىڭ  اكىمى مۇرات راحمەت ۇلى.

ورال  قالالىق ەكونوميكا جانە بيۋدجەتتىك جوسپارلاۋ ءبولىمىنىڭ باسشىسى  الميرا تولەگەنوۆانىڭ ايتۋىنشا، بيىل شاھار بيۋدجەتى 1100000 مىڭ تەڭگەگە كوبەيگەن. اتالمىش قاراجاتتىڭ نەگىزگى بولىگى قالانىڭ التى كوشەسىن كۇردەلى  جوندەۋگە  باعىتتالىپ وتىر.  سونداي-اق  جول قوزعالىسى قاۋىپسىزدىگىن  قامتاماسىز  ەتۋدە ۇدەمەلى تەحنولوگيانى قولدانۋعا – 200 059 مىڭ تەڭگە، قالا كوشەلەرىن جارىقتاندىرۋدى جاڭعىرتۋعا – 173 166 مىڭ تەڭگە، قالا سانيتارياسىن قامتاماسىز ەتۋگە – 269 282 مىڭ تەڭگە، «تۇرعىن ءۇي كوممۋنالدىق شارۋاشىلىعىن  جاڭعىرتۋ » باعدارلاماسى شەڭبەرىندە تۇرعىن ۇيلەردى جوندەۋگە – 62 672 مىڭ تەڭگە، «سيفرلى قازاقستان» باعدارلاماسى بويىنشا سيفرلىق ساۋاتتىلىققا وقىتۋعا – 13 829 مىڭ، ينجەنەرلىك جەلىلەرگە قۇقىق بەلگىلەيتىن قۇجاتتاردى دايىنداۋعا – 12 500 مىڭ، قالانىڭ ءۇش اۋدانى بويىنشا تجج ازىرلەۋدى اياقتاۋعا – 73 034، جوبالىق-سمەتالىق قۇجاتتامالار ساراپتاماسىنا – 10 304 مىڭ تەڭگە باعىتتالعان. بەلگىلەنگەن  وزگەرتۋلەر ەسەبىمەن قالالىق بيۋدجەت 41 466 267 مىڭ تەڭگەنى قۇرايدى.