ق ر ءدىاقم جاستار ساياساتى دەپارتامەنتى «جاس ۇلان» ببجۇ جانە «بولاشاق» ستيپەندياتتارىنىڭ قاۋىمداستىعى» قب بىرلەسىپ استانا قالاسى «اتامەكەن» قازاقستان كارتاسى» ەتنو-مەموريالدىق كەشەنى اۋماعىندا اشىق اسپان استىندا «كيەلى تۇركىستان» اتتى اشىق ءدارىس وتكىزدى.

ءىس-شاراعا عىلىم جانە شىعارماشىلىق زيالىلارى، قوعام قايراتكەرلەرى مەن ساياساتتانۋشىلار  ق ر ءدىن ىستەرى جانە ازاماتتىق قوعام مينيسترلىگىنىڭ وكىلدەرى، رەسپۋبليكالىق جاستار ۇيىمدارىنىڭ باسشىلارى مەن بەلسەندىلەرى قاتىستى.

ءىس-شارا اياسىندا مەملەكەت تاريحى ينستيتۋتى ديرەكتورىنىڭ ورىنباسارى امانگەلدى قاشقىمبايەۆ جاستار ءۇشىن ەلىمىزدىڭ ساياسي ءارى رۋحاني ومىرىندەگى تۇركىستان قالاسىنىڭ تاريحي ءرولى تۋرالى تانىمدىق ءدارىس وقىپ، رۋحاني وردامىزدىڭ تاريحي فاكتىلەرى تۋرالى ايتىپ بەردى.

سونداي-اق، جۋرناليست، ق ر پرەزيدەنتى جانىنداعى جاستار ساياساتى جونىندەگى كەڭەستىڭ مۇشەسى قانات اۋەسباي قاتىسۋشىلار  اراسىندا تۇركىستان قالاسىنىڭ تاريحىن ءبىلۋ  تۋرالى سۇراق-جاۋاپ سايىسىن وتكىزدى.

اكسيانىڭ ماقساتى - جاستاردىڭ ەل تاريحىن بىلۋگە قىزىعۋشىلىقتارىن ارتتىرۋ، مادەني جانە رۋحاني قۇندىلىقتارعا باۋلۋ،  تۇركىستان قالاسى اكىمشىلىك ورتالىعىمەن جاڭادان قۇرىلعان تۇركىستان وبلىسىنىڭ  ءيميدجىن نىعايتۋ بولىپ تابىلادى.

2018 جىلعى 19 ماۋسىمدا ەلباسى شىمكەنت قالاسى رەسپۋبليكالىق ماڭىزى بار قالالاردىڭ ساناتىنا جاتقىزۋ جانە وبلىستىق ورتالىعى – تۇركىستان قالاسىمەن جاڭادان اكىمشىلىك-اۋماقتىق بىرلىك تۇركىستان وبلىسىن  قۇرۋ بويىنشا جارلىققا قول قويعانىن ەستەرىڭىزگە سالامىز. 

مەملەكەت باسشىسى شىمكەنت ءبىزدىڭ ەلدىڭ عانا ەمەس، بۇكىل ورتالىق ازيا ءوڭىرىنىڭ ينۆەستيسيالار، تەحنولوگيالار جانە ينتەللەكتۋالدى رەسۋرستاردى شوعىرلاندىراتىن جاڭا ورتالىعىنا اينالاتىنىن بەلگىلەپ، سونداي-اق ونىڭ ودان ءارى ىلگەرىلەۋىنە سەپتىگىن تيگىزەتىنىنە جانە قالانىڭ الدىندا جاڭا پەرسپەكتيۆالار اشىلاتىنىن اتاپ كورسەتتى.