قازاقستان رەسپۋبليكاسىنىڭ قوعامدىق دامۋ مينيسترلىگى ۇكىمەتتىك ەمەس ۇيىمدارعا ارنالعان سىيلىقاقىعا كونكۋرس جاريالادى. وتىنىشتەر اعىمداعى جىلدىڭ 1 شىلدەسىنەن باستاپ قابىلدانادى.
سىيلىقاقى الەۋمەتتىك ماسەلەلەردى شەشۋگە ۇلەس قوسقان ۇكىمەتتىك ەمەس ۇيىمدارعا 15 باعىت بويىنشا بەرىلەدى.
كونكۋرسقا قازاقستان رەسپۋبليكاسىنىڭ اۋماعىندا تىركەلگەن جانە ۇەۇ دەرەكتەر بازاسىنا مالىمەتتەرىن ۋاقىتىلى تاپسىرىپ وتىراتىن ۇكىمەتتىك ەمەس ۇيىمدار قاتىسا الادى. ءبىر ۇكىمەتتىك ەمەس ۇيىم ءبىر مەزەتتە بىرنەشە نوميناسيا بويىنشا سىيلىقاقىعا ۇمىتكەر بولا المايدى. سىيلىقاقىعا ءبىر مارتە يە بولعان ۇكىمەتتىك ەمەس ۇيىم ءۇش جىل ىشىندە كونكۋرسقا ەكىنشى رەت قاتىسا المايدى.
ۇكىمەتتىك ەمەس ۇيىمداردىڭ بايقاۋعا قاتىسۋ تۋرالى وتىنىشتەرى ق ر ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتىنە جىبەرىلۋى ءتيىس. بايقاۋعا قاتىسۋ ءۇشىن ءوتىنىش جانە ساۋالناما نىسانى، سىيلىقاقىعا ۇمىتكەر ۇيىمنىڭ قىزمەتىنىڭ سيپاتتاماسى، قوعامداستىق وكىلدەرىنىڭ ۇسىنىمدارى (ۇەۇ) جانە (نەمەسە) مەملەكەتتىك ورگانداردىڭ ۇسىنىمدارى، ۇكىمەتتىك ەمەس ۇيىمداردى مەملەكەتتىك تىركەۋ (قايتا تىركەۋ) تۋرالى قۇرىلتاي قۇجاتتارىنىڭ جانە كۋالiگiءنىڭ (انىقتامانىڭ) كوشىرمەلەرى، بانك شوتىنىڭ بولۋى تۋرالى انىقتاما (ءتۇپنۇسقا) بولۋى كەرەك. قۇجاتتار 2018 جىلدىڭ 1 شىلدەسىنەن باستاپ 1 قىركۇيەككە دەيىن قابىلدانادى.
ايتا كەتەيىك، اعىمداعى جىلعى 13 ماۋسىمدا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوممەرسيالىق ەمەس ۇيىمداردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويعان بولاتىن.
اتالعان زاڭنىڭ قابىلدانۋى سىيلىقاقى الۋعا ۇسىنىلاتىن ۇكىمەتتىك ەمەس ۇيىمداردىڭ مۇمكىندىگىن كەڭەيتەدى. بۇرىن ۇەۇ سىيلىقاقى الۋ ءۇشىن جىل سايىنعى كونكۋرسقا ءبىر رەت قاتىسىپ، ودان كەيىن ءۇش جىل ىشىندە كونكۋرسقا قاتىسا المايتىن. زاڭ قابىلدانعاننان كەيىن وتكەن جىلى سىيلىقاقى الۋعا ۇسىنىلعان، ءبىراق جەڭىمپاز بولىپ تابىلماعان ۇكىمەتتىك ەمەس ۇيىمدار كەلەسى جىلدارى دا سىيلىقاقى الۋعا ۇمىتكەر بولا الادى.
بايقاۋ جىل سايىن وتكىزىلەدى. بيىل ەكىنشى رەت وتكىزىلىپ وتىر. بىلتىر 59 ۇەۇ وكىلدەرى سىيلىقاقى الدى، ونىڭ كولەمى 4 ملن تەڭگەدەن استامدى قۇرايدى.
