قازاقستاننىڭ حالىق اقىنى، جازۋشى مۇحتار شاحانوۆتىڭ شىعارماشىلىق ءۇيى ءوزى تۋعان وتىرار اۋدانى، جاڭا شىلىك اۋىلىندا اشىلدى. ايتۋلى شارا اقىننىڭ 76 جاسقا تولعان تۋعان كۇنىنە وراي ۇيىمداستىرىلدى.

عيماراتتىڭ سالتاناتتى اشىلۋىنا وبلىس اكىمىنىڭ ورىنباسارى سادىر ەربول ءابىلقايىر ۇلى قاتىسىپ ەلباسى نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى نەگىزىندە «تۋعان جەرگە تاعزىم» اكسياسى اياسىندا وبلىس كولەمىندە كوپتەگەن يگى شارالار اتقارىلعانىن اتاپ ءوتتى. "سولاردىڭ ءبىرى دە بىرەگەيى - ەلگە بەلگىلى مەسەنات سەرىكجان سەيىتجانوۆتىڭ دەمەۋشىلىگىمەن بوي كوتەرگەن شىعارماشىلىق ءۇيى. بۇل ورتالىق ءبىلىم مەن عىلىمنىڭ، ادەبيەت پەن ونەردىڭ ورداسىنا اينالا بەرسىن!» - دەگەن ىزگى تىلەگىن جەتكىزگەن ە.ءابىلقايىر ۇلى الەم اقىنىنا ءوڭىر باسشىسىنىڭ قۇتتىقتاۋى مەن سىي-سياپاتىن تابىس ەتتى.

سالتاناتتى تۇردە لەنتاسى قيىلعان ەكى قاباتتى عيماراتتا اقىننىڭ بالالىق شاعىنان بۇگىنگى كۇنگە دەيىنگى ءومىر جولىنان ءتۇرلى سۋرەتتەر مەن، قۇجاتتار ورنالاستىرىلعان.

سونداي-اق، اقىننىڭ شىعارماشىلىقپەن اينالىساتىن جۇمىس كابينەتتەرى مەن كىتاپحانا، دەمالىس جانە قوناق قابىلدايتىن بولمەلەر زامان تالابىنا ساي جابدىقتالعان. اشىلۋ سالتاناتىنا كەلگەن قوناقتار وتىرار اۋدانى اكىمىنىڭ تاپسىرىسىمەن اقىنىڭ شىعارماسى جەلىسىندە جاسالعان  «وتىرار داستانى» انيماسيالىق ءفيلمدى تاماشالادى. 

ەل جاناشىرلارى سەرىكجان سەيىتجانوۆ پەن وتىرار اۋدانىنىڭ اكىمى ەرلان ايتاحانوۆقا جانە جۇمىلا قولداۋ بىلدىرگەن اۋدان حالقىنا العىسىن بىلدىرگەن اقىن مۇحتار شاحانوۆ ءوز ومىرىنەن ەستەلىكتەر ايتىپ، كوپشىلىكتى استانانىڭ 20 جىلدىعىمەن قۇتتىقتادى.
اقىننىڭ تالانتىنا باس يگەن ونەرپازدار تۋعان كۇن يەسىنىڭ جاڭا ولەڭدەرىن جاتقا وقىپ،  اندەرىن اۋەلەتە شىرقادى.