الماتى قالاسىندا «2020 جىلعا دەيىن جاستاردى قولداۋ جول كارتاسى» اياسىندا «الماتى جاستارى» تۇرعىن ءۇي باعدارلاماسىنىڭ ەكىنشى كەزەڭى ىسكە قوسىلادى. باعدارلاما 35 جاسقا دەيىنگى كەز-كەلگەن ساناتتاعى الماتىلىقتارعا ءوز پاتەرىن ساتىپ الۋ ءۇشىن جەڭىلدىكپەن نەسيە الۋعا مۇمكىندىك بەرەدى. الماتى قالاسى تۇرعىن ءۇي جانە تۇرعىن ءۇي ينسپەكسياسى باسقارماسى مەن «تۇرعىن ءۇي قۇرىلىس جيناق بانكى» اق ىنتىماقتاستىق تۋرالى ءتيىستى كەلىسىمگە قول قويدى.

قالا جاستارىنا جەڭىلدىكپەن نەسيە بەرۋگە ارنالعان «الماتى جاستارى» باعدارلاماسى الماتى قالاسىندا 2017 جىلى قولعا الىنعان. ول ءۇشىن جەرگىلىكتى بيۋدجەتتەن 1 ملرد. تەڭگە بولىنگەن.

باعدارلاما اياسىندا 2017 جىلى 6657 ءوتىنىش ءتۇسىپ، 108 وتباسى تۇرعىن ءۇي ساتىپ الۋعا نەسيە الدى.

2018 جىلى «الماتى جاستارى» تۇرعىن ءۇي باعدارلاماسى بويىنشا جەرگىلىكتى بيۋدجەتتەن 2 ملرد. تەڭگە ءبولىندى.

«الماتى جاستارى» باعدارلاماسىنىڭ باستى ەرەكشەلىگى پايىزدىق تولەمنىڭ تومەندىگىندە، ياعني جوباعا قاتىسۋشىلار جىلدىق مولشەر 5% بولاتىن 10 ملن تەڭگەگە دەيىنگى جەڭىلدىكپەن نەسيە الا الادى. باعدارلاما بويىنشا نەسيەنى قايتارۋ مەرزىمى تولەم قابىلەتىنە قاراي 3 جىلدان 25 جىلعا دەيىنگى ارالىقتا جەكە جاسالىنادى.

قۇجاتتاردى قابىلداۋ www.almaty-zhastary.kz سايتىندا جۇزەگە اسادى، باعدارلاما اياسىندا نەسيەلەندىرۋدىڭ اشىقتىعى قامتاماسىز ەتىلەدى.

2018 جىلى باعدارلاماعا ءبىرقاتار جاڭارتۋلار ەنگىزىلدى:

• ءبىرىنشى بالاعا 10 بالل، ال ءاربىر كەلەسى بالاعا 20 بالل؛

• بالدىق جۇيەدە حابارلاندىرۋ شىققاننان باستاپ نەكەدە 1 جىل تۇرعان جاس جۇبايلارعا 30 بالل ءبولۋ قاراستىرىلعان.

اعىمداعى جىلى شىلدەنىڭ 9-ى مەن 20-سى ارالىعىندا باعدارلاما اياسىندا وتىنىشتەر مەن قۇجاتتاردى قابىلداۋ جۇزەگە اسىرىلادى.

باعدارلاماعا قاتىسۋ تۋرالى ءوتىنىش www.almaty-zhastary.kz ارنايى پورتالى ارقىلى قابىلدانادى.

نەسيە تەك باستاپقى تۇرعىن ءۇيدى ساتىپ الۋعا مۇمكىندىك بەرەدى، ونى باعدارلاما قاتىسۋشىسى ءوز بەتىنشە تاڭدايدى.

«الماتى جاستارى» باعدارلاماسى تۋرالى تولىق مالىمەتتى www.almaty-zhastary.kz سايتىنان، الماتى قالاسىنىڭ تۇرعىن ءۇي جانە تۇرعىن ءۇي ينسپەكسياسى باسقارماسى (www.uzh-almaty.kz) جانە «قازاقستاننىڭ تۇرعىن ءۇي قۇرىلىس جيناق بانكى» اق (www.hcsbk.kz) تەلەفوندارى: 300 نەمەسە 8-8000-801-880 (قوڭىراۋ شالۋ تەگىن)، +7 (727) 380 05 23 ارقىلى بىلۋگە بولادى.