ق ر بعم عىلىم كوميتەتى م.و.اۋەزوۆ اتىنداعى ادەبيەت جانە ونەر ينستيتۋتى 2018 جىلدىڭ 4 شىلدەسىندە قازاقستان استاناسى استانانىڭ 20 جىلدىعىنا ارنالعان «ەلوردا – ۇلتتىڭ رۋحاني جاڭعىرۋ استاناسى» تاقىرىبىندا حالىقارالىق عىلىمي-تاجىريبەلىك كونفەرەنسيا وتكىزدى.

جيىنعا ادەبيەتتانۋشى، ونەرتانۋشى ماماندار قاتىسىپ، قازاقستان ادەبيەتى مەن ونەرىندەگى استانا قالاسىنىڭ وبرازى، استانالىق تۋىندىگەرلەردىڭ شىعارماشىلىعى تۋرالى عىلىمي وي-تۇجىرىمدارىمەن ءبولىستى. كونفەرەنسيا مودەراتورى، م.و.اۋەزوۆ اتىنداعى ادەبيەت جانە ونەر ينستيتۋتى ديرەكتورى، ق ر ۇعا اكادەميگى ءۋاليحان قاليجانوۆ جيىندى كىرىسپە بايانداماسىمەن باستادى. ۋ.قاليجانوۆ بايانداماسىندا استانا قالاسىنىڭ جاھاندىق دەڭگەيدەگى گەوساياسي مارتەبەسىنە توقتالىپ، رۋحاني-ەستەتيكالىق جاڭعىرۋدىڭ زاماناۋي مودەلى رەتىندەگى مادەني-كوركەمدىك ءرولىن ايقىندادى. جازۋشى، ينستيتۋتتىڭ باس عىلىمي قىزمەتكەرى، فيلولوگيا عىلىمدارىنىڭ دوكتورى ن.اقىش، ينستيتۋتتىڭ تەاتر جانە كينو ءبولىمىنىڭ مەڭگەرۋشىسى، ونەرتانۋ كانديداتى ا.مۇقان جانە م.ءتاشىموۆا، ا.احمەتوۆا، ا.كەنجەقۇلوۆا، ە.قۋاتبەك ۇلى، ا.مۇرات قىزى، ا.ەسپەنوۆا سىندى ماگيستر، دوكتورانتتار ادەبيەت، بەينەلەۋ، تەاتر، كينو، كەسكىندەمە، مۋزىكا ونەرىندەگى استانا بەينەسىن سۋرەتتەگەن تۋىندىلارعا شولۋ جاساپ، ۇزدىك شىعارمالارعا عىلىمي-تەوريالىق تالداۋلار كەلتىردى.

دۇنيەجۇزىنە قازاقستان استاناسى رەتىندە تانىلعان جاس قالا – استانانىڭ اسەم كەلبەتى رۋحاني قۇندىلىقتاردىڭ قايناركوزى رەتىندەگى كوركەم ونەر تۋىندىلارىنىڭ جارىق كورۋىنە نەگىز بولۋدا.