اتىراۋدا استانانىڭ 20 جىلدىق مەرەيتويىندا 195 وتباسىنا پاتەر تابىستالدى
بەرەكە ىقشام اۋدانىنداعى 195 پاتەرلى 4 تۇرعىن ءۇي «نۇرلى جەر» باعدارلاماسى ارقىلى بەرىلدى، دەپ حابارلايدى اتىراۋ وبلىستىق وڭىرلىك كوممۋنيكاسيالار قىزمەتى.
وسى جاڭالىقپەن بارلىق جينالعانداردى اتىراۋ قالاسى اكىمىنىڭ ورىنباسارى پولىمبەت حاسانوۆ قۇتتىقتاپ، جاڭا پاتەر كىلتتەرىن تاپسىردى:
- وبلىس باسشىسىنىڭ تاپسىرماسىنا سايكەس، اتىراۋدا ءبىزدىڭ مەملەكەت باسشىسىمەن بەكىتىلگەن باعدارلامالار اياسىندا تۇرعىن ۇيلەردىڭ قۇرىلىسى ءجۇرىپ جاتىر»، - دەدى پولىمبەت حاسانوۆ.- ءبىز تۇرعىنداردىڭ بارلىعىنا قولجەتىمدى بولاتىنداي تۇرعىن ءۇي قۇرىلىسىن بەلسەندى تۇردە جۇرگىزىپ جاتىرمىز. بۇل جارقىن مەرەكە - ەلىمىزدىڭ استاناسى كۇنىندە 195 وتباسى جاڭا قونىسقا كوشتى.
2018 جىلى وبلىستا 3892 پاتەرلىك 44 كوپقاباتتى تۇرعىن ءۇيدىڭ قۇرىلىسى باستالدى، بيىلعى جىلى 34 ءۇي پايدالانۋعا بەرىلەدى. وبلىس ورتالىعىندا 39 ءۇي سالىنسا، قالعانى اۋدانداردا. ايتا كەتۋ كەرەك، بۇل رەكوردتىق كورسەتكىش تاۋەلسىزدىك جىلدارىنداعى ايماقتاعى تۇرعىن ءۇي قۇرىلىسىنىڭ ۇلكەن كولەمى.
