اعىمداعى جىلدىڭ 4 شىلدە كۇنى استانا قالاسىندا شىمىلدىعى تۇرىلگەن «ۇلى دالا رۋحى» فەستيۆالىنىڭ نەگىزگى ماقساتى - جاستار اراسىندا ۇلتتىق سپورت تۇرلەرىنىڭ دامۋىنا تىڭ سەرپىن بەرۋ. ءتورت ايماقتى قامتيتىن جوباعا ەلىمىزدىڭ بارلىق وڭىرلەرىنەن سپورتشىلار قاتىسادى. سايىپقىراندار كوكپار، بايگە، اۋدارىسپاق، تەڭگە ءىلۋ، جامبى اتۋ، قازاق كۇرەسى، توعىزقۇمالاق، اسىق اتۋدان سىنعا تۇسەتىن بولادى. اتالعان جوبانىڭ يدەيا اۆتورى ق ر مادەنيەت جانە سپورت ءمينيسترى ا.مۇحامەدي ۇلى. بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە رەسپۋبليكالىق ۇلتتىق جانە ات سپورتى تۇرلەرى ورتالىعىنىڭ ديرەكتورى نۇرسۇلتان يبراگيموۆ ءمالىم ەتتى. 

ونىڭ ايتۋىنشا، 2018 جىلدىڭ 13-15 شىلدە ارالىعىندا رەسپۋبليكالىق «ۇلى دالا رۋحى» فەستيۆالىنىڭ العاشقى جارىستارى وڭتۇستىك ايماعىندا وتەدى. 

«ايتۋلى شارانىڭ اشىلۋ سالتاناتى كەزىندە وڭتۇستىك ايماقتىڭ جەرەبەسى تايقازان ىشىنە سالىنعان تەڭگە ورامالدار ارقىلى انىقتالدى. وڭتۇستىك ايماعىنا قىزىلوردا وبلىسى، جامبىل مەن تۇركىستان وبلىسى جانە الماتى قالاسىنىڭ كوماندالارى ىرىكتەلدى. وسى ءتورت ءوڭىردىڭ سپورتشىلارى شىمكەنت قالاسىندا كوكپار، قازاق كۇرەسى، توعىزقۇمالاق، اسىق اتۋدان جارىسقا قاتىسادى. اۋەلى «قۇلاگەر» اتشابارىندا 48 سپورتشى قاتىسىپ، كوكپاردان جەڭىمپاز كوماندا انىقتالادى. ال ءا.يۋسۋپوۆا اتىنداعى كوركەم گيمناستيكا زالىندا قازاق كۇرەسىنەن 8 سالماق بويىنشا 32 بالۋان ب ا ق سىناسا، اسىق اتۋدان 12 مەرگەن ءوزارا جۇيرىكتى انىقتايدى. سونداي-اق، شىمكەنت قوناق ۇيىندە توعىزقۇمالاقشىلار اراسىندا جارىس وتەدى. جالپى وڭتۇستىك ايماقتاعى ىرىكتەۋ جارىسىنا 160 سپورتشى قاتىسادى دەپ كۇتىلۋدە»، - دەدى نۇرسۇلتان يبراگيموۆ. 

بۇدان وزگە، اۋدارىسپاق، جامبى اتۋ، تەڭگە ىلۋدەن جارىستار استانا قالاسىنداعى «قازانات» اتشابارىندا وتەدى. بۇل ءدۇبىرلى دودادا 5 سالماق بويىنشا 20 بالۋان اراسىندا اۋدارىسپاق الىپتارى، قۇرالايدى كوزگە اتقان 12 جامبىشىلار مەرگەندەرى جانە جەلدەن جۇيرىك 12 تەڭگە ىلۋشىلەر اراسىندا مىقتىلار انىقتالادى. 

جارىستىڭ جەڭىمپازدارى مەن جۇلدەگەرلەرى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ كۋبوك، مەدالدارىمەن ماراپاتتالادى.