الماتى اكىم باۋىرجان بايبەك جۇمىس ساپارى كەزىندە قوقىس سۇرىپتايتىن جاڭا كەشەننىڭ، گازبەن جۇرەتىن اۆتوبۋستار ءۇشىن سالىنىپ جاتقان كوممۋنالدى پاركتىڭ جانە ەلەكترواۆتوبۋستاردىڭ سوڭعى ءتۇرىن شىعاراتىن زاۋىت قۇرىلىستارىنىڭ قارقىنىن تەكسەردى.

مەگاپوليس باسىشىسى EXPO-2017 مۇراسى اياسىندا بۇل جوبالاردىڭ جانە «الماتىنى دامىتۋدىڭ 50 جوبالارى - درايۆەرلەرى قالالىق باستاماسىنىڭ زاماناۋي ءارى ماڭىزدى ەكەنىن، ويتكەنى ولاردىڭ بارلىعى سوڭعى يننوۆاسيالىق تەحنولوگيالاردى تارتاتىنىن، جاڭا جۇمىس ورىندارىن قۇراتىنىن، سونىمەن قاتار قالانىڭ قورشاعان ورتاسىنا تۇسەتىن ەكولوگيالىق جۇكتەمەنى تومەندەتەتىنىن اتاپ ءوتتى. «FalconEuroBus» قازاقستاندىق - نەمىس كومپانياسى اۆتوپاركتىڭ جانە ەلەكترواۆتوبۋستاردىڭ ءۇشىنشى ءتۇرىن شىعاراتىن زاۋىتتىڭ قۇرىلىستارىن جۇرگىزۋدە. قازىرگى كەزدە جالپى الاڭى 7 مىڭ شارشى مەتر بولاتىنجيناۋ جانە سىرلاۋ سەحىنىڭ، جابىق تۇراق پەن قويما بولمەلەردىڭ قۇرىلىستارى اياقتالىپ قالدى. ءبىرىنشى كەزەكتە ءوندىرىستىڭ شەكتەلۋى 20%-عا دەيىن بولسا، كەيىن ونىڭ ۇلەسى ارتا تۇسەدى. جوباداعى جەكە ينۆەستيسيا كولەمى 15 ملرد. تەڭگەنى قۇرايدى.

جۇمىس ساپارى بارىسىندا قالا اكىمى جىلدىق قۋاتى 550 مىڭ توننا تقق-دى وڭدەيتىن قوقىس سۇرىپتايتىن جاڭا كەشەن قۇرىلىسىن دا تەكسەردى. قازىرگى كەزدە كەشەننىڭ شاتىرى جاسالۋدا، كوممۋنيكاسيا جۇرگىزىلۋدە. جاقىن ارادا ورناتىلعان يتالياندىق جابدىقتار ىسكە قوسىلىپ، جوندەۋ جۇمىستارى اياقتالادى.

جوبا جۇزەگە اسقاندا تقق سۇرىپتالادى، تاسىمالدانادى، جۇمىستىڭ بارلىعى كەشەندى باسقارۋ جۇيەسى ارقىلى اتقارىلادى، ال پوليگونعا كومۋ ءۇشىن قاۋىپتىلىگى تومەن جانە بيوبۇزىلعىش زاتتار جىبەرىلەدى، كەيىن ولاردى دا وڭدەۋ قولعا الىنادى. قۇرىلىس وبەكتىسى جەكە ينۆەستيسيا ەسەبىنەن سالىنۋدا.

گازبەن جۇمىس ىستەيتىن 200 جولاۋشى اۆتوبۋسىنا قىزمەت كورسەتەتىن جاڭا كوممۋنالدى اۆتوبۋس پاركىنىڭ قۇرىلىسى كەستەگە ساي جۇرۋدە. نەگىزى نىسان مەن ماي قۇيۋ ستانسياسىنىڭ مەتاللكونستۋركسيالارىن مونتاجداۋ جۇمىستارى اياقتالدى. قويما مەن كولىك جۋاتىن ورىنداردىڭ ىرگەتاسى قۇيىلدى. «Green Bus Company» تاسىمالداۋشىلارىمەن جىلجىمالى سوستاۆتى الۋ ماسەلەلەرى تالقىلانۋدا.