الماتىدا العاش رەت FOYA جاس سۋرەتشىلەر فەستيۆالى اشىلدى. ۇيىمداستىرۋشىلاردىڭ ايتۋىنشا، كورەرمەندەر گادجەتتىڭ كومەگىمەن «جاندى» كارتينامەن جاناسا الادى. 

«ءبىز «ونەر up» دەگەن ءموبيلدى قوسىمشا جاساپ شىعاردىق. مۇنىڭ كومەگىمەن ارت-وبەكتىلەر مەن كارتينالار قوزعالادى. قازاقستاندا بۇعان ۇقساس كورمەلەر بۇرىن بولماعان. دايىندىققا جارتى جىلعا جۋىق ۋاقىت كەتتى. تەحنيكالىق ماسەلەلەر تۋىندادى. شىعارمالاردى تەحنولوگيا كومەگىمەن شىنايى كەيىپكە ەندىرۋ ءبىزدىڭ تاجىريبەدە ءبىرىنشى رەت قولدانىلىپ وتىر»،-دەدى جاس سۋرەتشىلەر ورتالىعىنىڭ جەتەكشىسى كريستينا بەكمۇرزايەۆا.

كريستينانىڭ ايتۋىنشا، «ونەر up» قوسىمشاسى تولىعىمەن قازاقستاندا دايىندالعان. فەستيۆال كورەرمەندەرى  android فورماتىنداعى قوسىمشانى QR- كود ارقىلى  جۇكتەپ الا الادى. ارت-وبەكتىنى نەمەسە كارتينانى سمارتفون ەكرانىنان كورگەن كەزدە ولاردىڭ كەيبىر ەلەمەنتتەرى قوزعالادى. استانانىڭ 20 جىلدىعىنا ارنالعان جوبانى جۇزەگە اسىرۋعا 50-گە جۋىق ادام اتسالىسقان.

بۇدان بولەك، قالا تۇرعىندار ءۇشىن قولجەتىمدى «ونەر Place» گالەرەياسى اشىلادى. مادەني كەڭىستىكتە جاس سۋرەتشىلەر ءوز ەڭبەكتەرىن تەگىن كورسەتىلىمگە شىعارا الادى.

سونداي-اق، بۇل ماڭدا ونەر جانە عىلىم تۋرالى اقىسىز لەكسيالار جۇرەتىن بولادى. فەستيۆال ۇلتتىق كىتاپحانادا وتۋدە.