ەلىمىزدىڭ وڭتۇستىك استاناسىندا «سپورتتىق الماتى» باعدارلاماسى اياسىندا وسى جىلعى ءبىرىنشى تۇنگى ۆەلوشەرۋ ءوتتى.

قاشىقتىعى 7،5 شاقىرىمدى قۇراعان ۆەلوشەرۋگە 1000-عا جۋىق قالا تۇرعىنى مەن قوناقتارى قاتىستى. ولار «نۇرلى تاۋ» بيزنەس ورتالىعىنان باستاپ ق ر تۇڭعىش پرەزيدەنتى ساياباعىنا دەيىن ءجۇرىپ ءوتتى.  

قاتىسۋشىلاردىڭ اراسىندا باعالى سىيلىقتار جانە ۆەلوسيپەدتەر ويناتىلدى. ونىڭ ءبىرىن ۆەلوشاباندوز ۆيتاليي گەراسيموۆتىڭ ۇلى گلەب گەراسيموۆ ۇتىپ الدى.  

«مەن كەزىندە «ەكستريم» كلۋبىندا ونەر كورسەتتىم. ۆەلوسپورتتان سپورت شەبەرلىگىنە ۇمىتكەرمىن. ءقازىر اۋەسقويمىن. وسى ۆەلوشەرۋ باستالعاننان بەرى جىبەرمەي قاتىسىپ كەلەمىن. ەندى، مىنە، ءوز بالامدى دا وسى سپورتقا بەيىمدەپ ءجۇرمىن. ءبىرىنشى رەت وسىنداي سىيلىق ۇتىپ الدىق، وتە ريزامىز. ۇيىمداستىرۋشىلارعا راحمەت»، - دەيدى ۆيتاليي گەراسيموۆ.  

ايتا كەتەر جايت، بۇل ۆەلوشەرۋ «سپورتتىق الماتى» قالالىق باعدارلاماسىنىڭ قولداۋىمەن 2018 جىلى جوسپارلانعان 21 ۆەلوشەرۋدىڭ 10-شىسى بولىپ سانالادى.