الماتىدا وڭتۇستىك كورەيامەن بىرلەسكەن امبۋلاتورلىق كلينيكا اشىلدى. بۇل ورتالىق ازيا اۋماعىنداعى تولىعىمەن شەتەلدىك ينۆەستيسياعا ىسكە اسىرىلعان العاشقى مەديسينالىق مەكەمە. 

كورەيانىڭ وزىق دياگنوستيكالىق تەحنولوگيالارىمەن جابدىقتالعان ەمحانادا ءتيىمدى وتا جاساۋ جۇيەسى ەنگىزىلگەن. سونىمەن قاتار، سينگاپۋر تەحنولوگيالارى دا پايدالانىلاتىن بولادى. وبىر سكرينينگىن ىسكە اسىرۋ ءۇشىن سەۋل ۇلتتىق ۋنيۆەرسيتەتى جانىنداعى BIOiNFRA عىلىمي بيولوگيالىق كومپانياسى وبىردى انىقتاۋ پروسەسىنە تولىققاندى تەحنيكالىق  قولداۋدى قامتاماسىز ەتەتىن بولادى.

(POCT MDx) One Biomed مولەكۋلالىق دياگنوستيكاسىنا نەگىزدەلگەن گەنەتيكالىق جانە جۇقپالى اۋرۋلارعا زەرتتەۋلەر جۇرگىزۋ ءۇشىن سينگاپۋرلىق كومپانيا تەحنيكالىق سەرىكتەس بولادى. سونىمەن قاتار، كلينيكا كورەياداعى جەتەكشى زەرتحانالاردىڭ ءبىرى Seegene Medical Foundation ينۆەستيسيالارىن تارتىپ، قازاقستاندا ورتالىقتاندىرىلعان زەرتحانالىق جەلىنى قۇرۋ ىسىمەن اينالىسادى.

«Medical Partners Korea Qazaqstan» بىرلەسكەن كومپانياسى  (MPK QAZ) قازاقستاندا مەديسينالىق كومپانيالار توبىن قۇرۋعا نيەتتى. وندا وپەراسيالىق مەنەدجمەنتتى كورەيالىق مەديسينا ماماندارى جۇرگىزەتىن بولادى. ەمحانا پاسيەنتتەرگە جۇيەلى قىزمەت كورسەتىپ قانا قويماي، كورەيالىق دارىگەرلەردىڭ كومەگىمەن جان-جاقتى ساپالى باقىلاۋ جۇرگىزەدى.

«MPKQAZ پاسيەنتتەرگە قىزمەت كورسەتۋ جۇيەسى مەن كوپۇلتتىق مەديسينالىق وپەراسيا جۇيەسىن قۇرۋعا ءازىر. كورەيانىڭ وزىق مەديسينالىق تەحنولوگيالارىن جانە قىزمەت كورسەتۋ سالاسىنداعى باي تاجىريبەمىزدى قولدانامىز»، - دەدى مەديسينالىق ديرەكتور، كارديولوگ-دارىگەر حيسۋك مين.

ەمدەۋ ادىستەمەسى كورەيالىق جانە سينگاپۋرلىق تەحنولوگيالارعا نەگىزدەلگەن كلينيكا الماتىداعى بيزنەس ورتالىقتاردىڭ بىرىندە ورنالاسقان. قازاقستاندىق پاسيەنتتەردى ەڭ ۇزدىك كورەيالىق ماماندار زاماناۋي جابدىقتاردى قولدانا وتىرىپ 13 باعىت بويىنشا قابىلدايتىن بولادى.