الماتى اكىمدىگى جەر تەلىمدەرىن ساتىپ الۋعا 4 ملرد تەڭگەدەن اسا قارجى جۇمساعان. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز بريفينگىندە ايتىلدى.

«بيىل 140 جەر تەلىمىن ساتىپ الۋ ءۇشىن رەسپۋبليكالىق جانە جەرگىلىكتى بيۋدجەتتەن 6،1 ميلليارد تەنگە بولىنگەن»،-دەدى قالالىق جەر قاتىناستارى باسقارماسىنىڭ باستىعى التىنبەك احمەتوۆ.

ونىڭ ايتۋىنشا باسقارما  109 جەر تەلىمىن ساتىپ الۋعا 4،1 ميلليارد تەڭگە جۇمساعان.

قالعان 2 ميلليارد تەڭگە جىل سوڭىنا دەيىن يگەرىلەدى. جەر تەلىمدەرى ترانسپورتتىق ينفراقۇرىلمدى جەتىلدىرۋ ءۇشىن ساتىپ الىنعان.

«رىسقۇلوۆ -ەمسوۆا جولايرىعى، رىسقۇلوۆ - قۇلجا تاس جولى، نازاربايەۆ داڭعىلى، BRT جەلىلەرى قۇرىلىسىن دامىتۋ ءۇشىن قوسىمشا جەر تەلىمدەرى الىنعان»،-دەدى باسقارما باسشىسى.

ونىڭ ايتۋىنشا، الماتى تەرريتورياسىنىڭ جالپى اۋماعى 63،8 مىڭ گەكتارعا تەڭ. ولاردىڭ 44 % ەلدى مەكەندەرگە تيەسىلى بولسا، 5،7 مىڭ گا  ترانسپورت پەن شيكىزات تەلىمى قۇرايدى. 8،9 مىڭ گا اۋىلشارۋاشىلىعىنا پايدالانۋعا بەرىلسە، 5،4 مىڭ گا جەر اۋماعى جەكە شارۋا قوجالىعى مەن اۋىلشارۋاشىلىعى ونىمدەرىنە بولىنگەن. ەرەكشە قورعالاتىن تابيعي اۋماقتار ۇلەسى 31،9 %.