Holiday Inn حالىقارالىق مەيرامحاناسىندا جانە قازاقستان قوناقۇيىندە رەسپۋبليكالىق سەمينار-ترەنينگ ءوتتى. سەمينارعا 14 وبلىستان جانە رەسپۋبليكالىق ماڭىزى بار قالالاردان ءدىن ىستەرى دەپارتامەنتىنىڭ باسشىلارى، ولارعا باعىنىشتى كاسىپورىنداردىڭ باسشىلارى، سونىمەن قاتار، ءدىن سالاسىنداعى قازاقستان رەسپۋبليكاسىنىڭ عىلىمي جانە ءبىلىم بەرۋ مەكەمەلەرىنىڭ جەتەكشى ساراپشىلارى قاتىستى.
بۇل شارانى “الماتى قالاسىنىڭ ءدىن ىستەرى جونىندەگى باسقارماسىنىڭ” تاپسىرماسىمەن Social Development Center الەۋمەتتىك قورى مەملەكەتتىك الەۋمەتتىك تاپسىرىس اياسىندا ۇيىمداستىردى.
سەميناردىڭ باعدارلاماسى مىناداي فورماتتا ءوتتى: ءبىرىنشى كۇنى – پىكىرسايىس، سەمينار، ترەنينگ، ەكىنشى كۇنى – سەمينار قاتىسۋشىلارىنا ارنالعان شەبەرلىك-سىنىبى، ترەنينگ جانە مادەني باعدارلاما.
رەسپۋبليكالىق سەميناردىڭ جەتەكشى سپيكەرلەرى – الماتى قالاسى اكىمىنىڭ ورىنباسارى قىرىقبايەۆ ارمان ورازباي ۇلى، ق ر ءدىن ىستەرى جانە ازاماتتىق قوعام ۆيسە-مينيسترى – ارىن بەرىك ساقباي ۇلى جانە ق ر پرەزيدەنتى اكىمشىلىگىنىڭ سەكتور مەڭگەرۋشىسى – عالىم شويكين نۇرماعامبەت ۇلى بولدى. ترەنەرلەر مەن سەمينار قاتىسۋشىلارىنا تاجىريبەلى ازاماتتار بايانداما جاسادى. اتاپ ايتساق: فيلوسوفيا عىلىمدارىنىڭ دوكتورى، پروفەسسور – كوسيچەنكو اناتوليي گريگوريەۆيچ، قازاقستان رەسپۋبليكاسى ۇلتتىق عىلىم اكادەمياسىنىڭ كوررەسپوندەنت-مۇشەسى، فيلوسوفيا عىلىمدارىنىڭ دوكتورى – سەيحاتحەتوۆا ناتاليا لۆوۆنا، PhD دوكتور، راسيوناليستىك تەولوگيا سالاسىنداعى مامان – چەليدزە راسيم الييەۆيچ جانە «انسار» كونسۋلتاتيۆتىك-ساۋىقتىرۋ ورتالىعىنىڭ ديرەكتورى، تەولوگ – سابدين اسقار قالىمجان ۇلى ءوز باياندامالارىن تانىستىردى.
رەسپۋبليكالىق سەميناردىڭ ەكىنشى كۇنى تولىقتاي ماستەر-كلاستار مەن ترەنينگتەرگە ارنالدى. بارلىق تىركەۋ جۇمىستارى مەن قاتىسۋشىلاردى ەكىنشى كۇننىڭ باعدارلاماسىمەن تانىستىرۋ جۇمىستارى بىتكەن سوڭ ءسوز ساراپشىلارعا بەرىلدى. «ءبىلىم» وقۋ-مادەني ورتالىعىنىڭ ديرەكتورى – يرجانوۆ رۋسلان سامارحانوۆيچ، First Coach كاسىبي سپيكەرلەردى دايىنداۋ ورتالىعىنىڭ نەگىزىن قالاۋشى – قاناتوۆ اسلان، سونىمەن قاتار، ساياساتتانۋشى – سارىم ايدوس ءامىروللا ۇلى جانە «ەكسكليۋزيۆ» جۋرنالىنىڭ شولۋشىسى، ساياساتتانۋشى – جۇمالى راسۋل دا ءوز پىكىرلەرىمەن ءبولىستى.
ءىس-شارانىڭ رەسمي جابىلۋى الماتى قالاسى ءدىن ىستەر دەپارتامەنتىنىڭ باسشىسى – ايسەنبەكوۆ ايدار راحىمجان ۇلىنىڭ سەمينارعا قاتىسۋشىلارعا سەرتيفيكاتتاردى سالتاناتتى تۇردە تاپسىرۋىمەن اياقتالدى.
ترەنينگتىڭ سوڭعى كۇنىنىڭ باعدارلاماسى بويىنشا قاتىسۋشىلار ءوز قالاۋىمەن الماتى قالاسىنىڭ تاريحي مۋزەيىنە، د.قونايەۆتىڭ ۇي-مۋزەيىنە ەكسكۋرسيا جاساپ، مەدەۋ سپورت كومپلەكسىنە بارۋىنا بولادى.
