"مونيتورينگ جانە اناليز" ورتالىعىنىڭ ۇيىمداستىرۋىمەن الماتى قالاسى المالى اۋدانىنداعى "قازپوچتا" اكسيونەرلىك قوعامىنىڭ قىزمەتكەرلەرىمەن "دەسترۋكتيۆتى جات اعىمدار" تاقىرىبىندا كەزدەسۋ ءوتتى. كەزدەسۋدى قازاقستان-رەسەي مەديسينالىق ۋنيۆەرسيتەتىنىڭ وقىتۋشىسى، ءدىنتانۋ ماماندىعىنىڭ ماگيسترى بەريكبايەۆ ەلنار وتكىزدى. جالپى كەزدەسۋگە 41 ادام قاتىستى. كەزدەسۋ بارىسىندا پوچتا قىزمەتكەرلەرىنە جات اعىمداردىڭ ىقپالى مەن قازىرگى تاڭداعى جاعدايىن تانىستىرىپ ءوتتى.

ءدىني بىرلەستىكتەردىڭ اراسىندا قازاق حالقىنىڭ سالت-داستۇرىنە قارسى شىعىپ، زايىرلى، مەملەكەتتىك مەكەمەلەرگە قارسى ىس-اركەتتەرىمەن قوسا مەكتەپتەردە دەنە شىنىقتىرۋ، مۋزىكا، بەينەلەۋ سەكىلدى ساباقتاردى بولدىرماۋ كەرەكتىگىن اشىق ايتتى. وسى سەكىلدى ەرەجەلەردى ۇستاناتىن اعىمداردان ساقتانۋ كەرەك ەكەندىگىن جانە كۇدىكتى ارەكەتتەر بايقالسا دەر كەزىندە ءتيىستى ورىندارعا قوڭىراۋ شالۋ كەرەكتىگى ايتىلدى.

سونىمەن قاتار، سەميناردا ەمحانا قىزمەتكەرلەرىنىڭ دە ماسەلەلەرى تالقىلاندى. ناماز وقۋعا مەشىتكە بارعاندا بوتەن ادامداردىڭ قولدان ساتىپ جۇرگەن كىتاپتارىن الماۋعا جانە ناماز وقۋدى ۇيرەتەمىن دەپ جۇرگەن ادامداردىڭ ارەكەتتەرىنەن ساقتانۋ كەرەك. ينتەرنەت جەلىسىندە تارالىپ جاتقان ءار-تۇرلى ۋاعىزداردان ساق بولىپ، قاجەتتى سۇراقتارىنا جاۋاپتى مەشىت يمامدارىنان سۇراۋ كەرەك ەكەندىگى ايتىلدى.

تانىسىڭىزدان نەمەسە تۋىسىڭىزدان ءدىن تۋرالى تۇسىنىكسىز اڭگىمەسىن بايقاساڭىز، ۋاقىتىندا قالالىق وڭالتۋ ورتالىقتارىمەن بايلانىسۋ كەرەك. سەميناردى قورىتىندىلاي كەلە، كەز-كەلگەن ەلىمىزدىڭ تۇرعىنى، ءدىني تۇسىنىكسىز جاعدايلارعا تاپ بولسا، سول مەزەتتە ءدىني باسقارمامەن بايلانىسۋعا شاقىردى.