بيىل الماتىدا بيۋدجەتتى ۇنەمدەۋ ەسەبىنەن جارىق جەلىسى جوندەلىپ، قوسىمشا جولدار سالىنادى.

الماتى قالاسى اكىمدىگىنىڭ باسپا ءسوز قىزمەتىنىڭ حابارلاۋىنشا، قالالىق ءماسليحاتتىڭ كەزەكتەن تىس VI سەسسياسىندا بيىلعى بيۋدجەت ناقتىلاندى. مەملەكەتتىك ساتىپ الۋدى ۇنەمدەۋ ەسەبىنەن جۇرگىزىپ، جوبالاردى 9،3 ملرد تەڭگەگە ويتايلاندىرۋ ارقىلى ىشكى رەزەرۆتەردى قايتا ءبولۋ بارىسىندا ناقتىلاندىرۋ شاراسى جاسالدى.

بيىلعى ءبىرىنشى جارتىجىلدىقتا الماتى ەكونوميكاسىنىڭ بارلىق سالاسىندا 103،8% وسىمگە قول جەتتى. مىسالى، بولشەك ساۋدا 8،3%-عا، ونەركاسىپ 4،4%-عا،  قۇرىلىس 4،7%-عا ۇلعايدى، بەس ايدىڭ ىشىندە شەتەلدىك ينۆەستيسيا  25،1%-دى قۇرادى. مەملەكەتتىك بيۋدجەتكە سالىق ءتۇسىمىنىڭ 110،3%-عا ءوسۋى قامتاماسىز ەتىلدى.

بيۋدجەتتى ناقتىلاۋ بارىسىندا ۇنەمدەلگەن قارجى الەۋمەتتىك ماسەلەلەردى شەشۋگە، سىرتقى جارىق كوزدەرىن، تروتۋارلاردى جوندەۋگە، جاڭا ىقشاماۋدانداردا جول سالۋعا، قاۋىپسىزدىكتى ارتتىرۋعا جانە مۇمكىندىگى شەكتەۋلى جانداردعا قولداۋ كورسەتۋگە  جۇمسالادى.

سونىمەن بىرگە بيىل قالانىڭ ءبىرقاتار اۋدانىندا سىرتقى جارىق كوزدەرىنە جوندەۋ  جۇرگىزىلەدى. الاتاۋ اۋدانىنداعى اقبۇلاق، العاباس، قاراسۋ، كوكقاينار، ۇلجان-2 ىقشاماۋداندارىندا جول جوندەۋ باستالدى. تۇركسىب اۋدانىنداعى جاس قانات ەلدى مەكەنىندە دە جول جوندەلىپ جاتىر.

مۇمكىندىگى شەكتەۋلى جاندارعا قولداۋ كورسەتۋ ماقساتىندا 675 ادامعا تيفلوتەحنيكالىق، 871 ادامعا سۋردوتەحنيكالىق جابدىقتار ساتىپ الىنادى.

“ەڭبەككە قامتۋ جانە بۇقارالىق كاسىپكەرلىكتى قولداۋ” اياسىندا مىڭداعان جۇمىسسىز 50 ماماندىق بويىنشا كاسىبي دايىندىقتان جانە قايتا دايىندىقتان وتەدى.

جالپى ءبىلىم بەرەتىن مەكتەپتەردى وقۋلىقتارمەن قامتۋ ءۇشىن قوسىمشا 193،5 ملن تەڭگە قاراستىرىلدى. قاۋىپسىزدىكتى ارتتىرۋ ماقساتىندا جەتى مەكتەپ نىسانىندا سەيسميكالىق تەكسەرۋ جۇرگىزىلەدى.

ەسكە سالساق، “الماتى-2020” دامۋ باعدارلاماسىنا جانە قالالىقتاردىڭ الەۋمەتتىك ماسەلەلەرىن شەشۋگە نەگىزدەلگەن. الماتى بيۋدجەتى بيىل 526،7 ميلليارد تەڭگە بولدى.