الماتىداعى ءدىني اقپاراتتىق-تۇسىنىكتەمە بەرەتىن توپتار بىرىگەتىن بولدى.

جىل باسىنان بەرى قالادا اقپاراتتىق-تۇسىنىكتەمە بەرەتىن 8 بىرلەستىك جۇمىسىن باستاعان. ولاردىڭ قاتارىنا تەولوگ، ءدىنتانۋشى مەن پسيحولوگتاردان تۇراتىن 70 شاقتى ادام قوسىلعان.

ماماندار مەكتەپتەردە، جوعارى وقۋ ورىندارىندا، ەمحانالار مەن باسقا دا ادام كوپ كەلەتىن مەكەمەلەردە دارىستەر جۇرگىزگەن. جالپى 270 ءتۇرلى شارا وتكىزىپ، 30 مىڭعا جۋىق ادام قامتىلعان ەكەن.

ايتا كەتسەك، بۇگىنگى تاڭدا الماتىدا بارلىعى 179 ءدىني بىرلەستىك تىركەلگەن.

«اكىمدىكتىڭ جانىندا ءدىني بىرلەستىكتەرمەن بايلانىس جونىندەگى كەڭەس بار. ءدىني بىرلەستىكتەردىڭ كلۋبى بار. ديالوگ الاڭىندا كەزدەسۋلەر ارقىلى قالامىزداعى بارشا ءدىن وكىلدەرىمەن وسىنداي ءوزارا سەنىمدى اتموسفەرانى قالىپتاستىرا بىلدىك دەپ ايتا الامىز»، – دەدى الماتى قالاسى ءدىن ىستەرى جونىندەگى باسقارماسىنىڭ باسشىسى ايدار ەسەكبەكوۆ.