"جاۋھار" ۇلتتىق ءسالت-داستۇردى قولداۋ قورى» قوعامدىق قورى الماتى قالاسى ءدىن ىستەرى جونىندەگى باسقارماسىنىڭ قولداۋىمەن 19-20 شىلدە كۇندەرى الماتىدا "ءدىن، ءدىني ەكسترەميزم مەن تەرروريزمنىڭ الدىن الۋ" ماسەلەلەرى بويىنشا بۇقارالىق اقپارات قۇرالدارىنىڭ وكىلدەرى مەن بلوگەرلەر ءۇشىن اقپاراتتىق جانە وقىتۋ ەكى كۇندىك سەمينار-ترەنينگىن وتكىزدى.
سەمينار بارىسىندا ب ا ق وكىلدەرى مەن بلوگەرلەرگە ءدىن سالاسىندا قابىلدانعان زاڭدار مەن تۇجىرىمدامالاردى ناسيحاتتاۋ جانە كونفەسسياارالىق كەلىسىم سالاسىنداعى نەگىزگى ماسەلەلەر، ءدىني قىزمەت سالاسىن رەتتەۋدىڭ وزەكتى سۇراقتارى مەن ازاماتتارعا جاڭا فورماتتاعى اقپارات الۋ جۇمىستارىن ۇيىمداستىرۋ ماسەلەلەرى باياندالدى.
وقىتۋ سەمينارىنىڭ ماقساتى ەكسترەميزم مەن لاڭكەستىككە قارسى تۇرۋ ماسەلەلەرىن شەشۋدە مەملەكەتتىك ورگاندار مەن بۇقارالىق اقپارات قۇرالدارىنىڭ ءوزارا ارەكەتتەسۋ جولدارىن ۇيرەنۋ، ءدىني تاقىرىپتاردى جانە كونفەسسياارالىق كەلىسىمدى بەلگىلەۋ، سونداي-اق ب ا ق ارقىلى ازاماتتارعا اقپارات بەرۋدىڭ نىساندارى مەن ادىستەرىن زەرتتەۋ بولدى.
