وڭىرلىك كەزەڭنىڭ جەڭىمپازدارى 31 شىلدەگە دەيىن انىقتالادى. بۇدان سوڭ ۇزدىكتەردىڭ ۇزدىگى رەسپۋبليكالىق سىندا بەلگىلى بولادى.
الماتى قالاسىنىڭ اكىمدىگى مەن “نۇر وتان” پارتياسىنىڭ اۋماقتىق فيليالى “قازاقستاننىڭ ۇزدىك الەۋمەتتىك جوبالارى” بايقاۋىن ۇيىمداستىرۋعا بيىل دا اتسالىستى. ماقسات – “پرەزيدەنتتىڭ بەس الەۋمەتتىك باستاماسى” اتتى ۇندەۋدە ايتىلعان مىندەتتەردى ىسكە اسىرۋ، مۇمكىندىگى شەكتەۋلى جاستار قۇقىعىن قورعاۋ جانە ولاردىڭ ءومىر ءسۇرۋ دەڭگەيىن جاقسارتۋ.
بايقاۋ 20 ساۋىردە جاريالانىپ، 30 ماۋسىمدا ءوتىنىش قابىلداۋ اياقتالدى. ونىڭ شارتىمەن “نۇر وتان” پارتياسىنىڭ، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ، استانا جانە الماتى قالالارى مەن وبلىستار اكىمدىكتەرىنىڭ رەسمي سايتىنان تانىسۋعا بولادى.
الدىمەن بايقاۋدىڭ اۋماقتىق ىرىكتەۋ سىنى ءوتتى، ودان ىرىكتەلگەندەر وڭىرلىك بايقاۋعا قاتىسادى. وڭىرلىك كەزەڭنىڭ جەڭىمپازدارى 31 شىلدەگە دەيىن انىقتالادى. بۇدان سوڭ ۇزدىكتەردىڭ ۇزدىگى رەسپۋبليكالىق سىندا بەلگىلى بولادى.
“قازاقستاننىڭ ۇزدىك الەۋمەتتىك جوبالارى” بايقاۋىنىڭ ىرىكتەۋ كەزەڭىنە الماتىلىقتار ايرىقشا بەلسەنە قاتىستى. بارلىعى – 13 جوبا. ىرىكتەۋ كەزەڭىندە قاتىسۋشىلار الەۋمەتتىك جوبالارىمەن تانىستىرىپ، بەينەروليكتەر كورسەتتى. قاتىسۋشىلاردىڭ ەڭبەگىن “نۇر وتان” پارتياسى الماتى قالالىق فيليالىنىڭ، مەملەكەتتىك ورگانداردىڭ، ۇكىمەتتىك ەمەس ۇيىمداردىڭ، كاسىپكەرلەر پالاتاسىنىڭ، قالا اكىمدىگىنىڭ وكىلدەرىنەن تۇراتىن كونكۋرستىق كوميسسيا باعالادى. ەندى العاشقى سىننان وتكەن ۇكىمەتتىك ەمەس ۇيىمدار، قوعامدىق بىرلەستىكتەر، مۇگەدەكتەر ۇيىمدارى، حالىقتى الەۋمەتتىك قورعاۋ جۇيەسىن دامىتۋعا باعىتتالعان باسقا دا مەكەمەلەر جەڭىمپاز اتانۋدان ءۇمىتتى.
الەۋمەتتىك جوبالاردى جۇزەگە اسىرۋ ارقىلى ومىردە قيىن جاعدايدا قالعان 250 مىڭنان استام ادامعا جاردەم كورسەتىلەدى. ءقازىر كەزدە بايقاۋعا رەسپۋبليكا بويىنشا 312 جوبا قاتىسىپ جاتىر.
ەڭبەك جانە حالىقتى الەۋمەتتىك قورعاۋ مينيسترلىگى بايقاۋ جەڭىمپازدارىنا جوبالاردى ىسكە اسىرۋ ءۇشىن اقشالاي سەرتيفيكاتتار تابىس ەتەدى.
