الماتىدا اۋىز سۋ فونتانى ورناتىلدى.
الماتىنىڭ مەدەۋ اۋدانىندا جاز سوڭىنا دەيىن ون اۋىزسۋ فونتانى ورناتىلادى.
ءقازىر اۋلالاردى جاڭعىرتۋ جوباسى بويىنشا اشىلعان ەكى ساياباقتا ەكى فونتان جۇمىس ىستەپ تۇر. ءۇش مارتە سۇزگىلەۋ پروسەسىنەن وتەتىن بۇل قۇرىلىم الماتىلىقتار مەن قالا قوناقتارى ءۇشىن تەگىن. ونى ورناتۋدى قالتالىلار موينىنا الىپتى.
«وتكەن جىلى مەدەۋ اۋدانىندا قاراۋسىز قالعان ەكى الاڭعا مەملەكەتتىك جەكەمەنشىك سەرىكتەستىك جوباسى اياسىندا كۇردەلى جوندەۋ جۇرگىزىپ، بالالار الاڭىن سالىپ، كورىكتەندىرۋ جۇمىستارىن جۇرگىزگەن بولاتىنبىز. اۋداندىق اكىمدىكتىڭ شەشىمىمەن سول الاڭدارعا اۋىزسۋ فونتاندارى ورناتىلدى. ولار كۇن سۋىعاندا الىنادى، جاز مەزگىلى كەلگەن ۋاقىتتا قايتا ورناتامىز»، – الماتى قالاسى مەدەۋ اۋدانى كاسىپكەرلىكتى دامىتۋ ءبولىمىنىڭ جەتەكشىسى بەرىك سۇلتانبايەۆ.
