ەندى الماتى ورتالىعىن دامىتۋ تۇجىرىمداماسىن بىرنەشە ساۋلەتشىلەر توبى ۇسىنادى. ول ساۋلەت جانە قالا قۇرىلىسى باسقارماسى جانىنان قۇرىلعان.

جاس كاسىبي ماماندار، فريلانسەرلەر، ارداگەر قۇرىلىسشىلار باس قوسقان ءار توپ ءوز جوبالارىن جاساپ، ۇسىنىستارىن بۇگە-شەگەسىنە دەيىن ويلاستىراتىن بولادى. بۇگىن قوعامدىق كەڭەس مۇشەلەرى الدىندا ەسەپ بەرگەن قالانىڭ باس ساۋلەتشىسى اتقارىلعان جۇمىستار بويىنشا ەسەپ بەرىپ، ۇسىنىستاردى تىڭدادى.

«مەنىڭ ويىمشا كەلەسى اپتادا وسى 4 توپپەن كەزدەسۋ وتكىزەمىز. ءارقايسىسى ەسكى قالانى دامىتۋ بويىنشا تۇجىرىمدامالارىن دايىندايدى»، – دەدى الماتى قالاسى ساۋلەت جانە قالا قۇرىلىسى باسقارماسىنىڭ باسشىسى نۇرلان ۋرانحايەۆ.

جاۋاپتىلاردىڭ ايتۋىنشا، كەز كەلگەن عيماراتتىڭ سىزبا جوباسىن بەكىتكەن كەزدە، كىشىگىرىم ساراپتاما جۇرگىزىلەدى. سونىمەن قاتار، نىساننىڭ ماكەتى جانە تيەسىلى اۋماقتى كورىكتەندىرۋ جۇمىستارى كورسەتىلۋى شارت. قۇرىلىس كومپانياسى قاجەتتى اۋماقتاعى ينفراقۇرىلىممەن تانىسۋ ءۇشىن الماتىنىڭ ءۇش-د (3د) كارتاسىن پايدالانۋعا بولادى. ءقازىر ول سەيسميكالىق ايماقتاردى قوسقاندا، 160 ءبولىمدى قامتىعان.