شىمبۇلاق تاۋ شاڭعى كۋرورتىندا 3 كۇن بويى وتكەن حالىقارالىق تاۋ جانە سپورت فەستيۆالى ءوز مارەسىنە جەتتى.

فەستيۆال قىسقى ءتۋريزمدى ۇناتاتىن قازاقستاندىق جانە شەتەلدىك تۋريستەرمەن قاتار، بەلسەندى دەمالىسقۇمار جاندار ءۇشىن ايتۋلى شاراعا اينالىپ كەتتى. بيىلعى  فورۋمنان كەيىن «مولودەجنىي» شىڭىنا شىققان 150-دەن استام قاتىسۋشىنىڭ باسىم بولىگى تۋريست ەكەن.

سونداي-اق، قاتىسۋشىلار ەكسترەمالدىق سپورت ءتۇرى – ماۋنتين بايك، ياعني تاۋدان ۆەلوسيپەدپەن ءتۇسۋ بويىنشا ب ا ق سىناستى. 43 ەكسترەمال  5 شاقىرىمدىق كەدەرگىلەرگە تولى جولدى 4 مينۋتتا باعىندىرۋدان جارىستى.

«بۇگىن تاۋداعى اۋا-رايى كەرەمەت. داۋن حيلل ءۇشىن وتە قولايلى بولىپ تۇر. ءبىراق مەن ءۇشىن بۇل جولى اينالمالاردى، تاستى ەڭسەرۋ قيىنعا سوقتى. سوندىقتان ءبىرشاما ۋاقىتتى جوعالتىپ الدىم. باسقا قاتىسام دەۋشىلەر ءۇشىن ارنايى دايىندىق پەن فورما  كەرەك. ايتپەسە، ءبىر قاتەلىك جىبەرسەڭ، تاۋدان تومەن قۇلاپ كەتۋىڭىز ىقتيمال. ال فەستيۆالدە بارلىق قاۋىپسىزدىك تالاپتارى جاسالعان. جارىس قىزىق ءوتتى»، – دەيدى فەستيۆال قاتىسۋشىسى يۋريي شيلەن.

«ءۇشىنشى جىل بولعاندىقتان، ساپاسى جوعارىلاپ وسى جىلى وتە جاقسى ءوتتى دەپ پىكىر ءبىلدىرىپ جاتىر شەتەلدەن كەلگەن قوناقتار. فەستيۆالگە بىرتىندەپ شەتەلدەن كەلۋشىلەر قاتارى كوبەيىپ جاتىر. ءوزىمىزدىڭ ادامدار دا كوبىرەك ءبىلىپ، ەستىپ، اعىلىپ جاتىر. ولارعا شىمبۇلاققا كەلىپ، فەستيۆالدى تاماشالاۋدىڭ ءوزى قىزىق. قىزمەتكەرلەرىمىز ءار ادامعا كوڭىل ءبولىپ، نازار اۋدارىپ، ىڭعايلى جاعداي جاساپ جاتىر»، – دەدى «شىمبۇلاق» تشك ماركەتينگ ءبولىمىنىڭ مەنەدجەرى اسەم نۇرسەيىتوۆا