استانانىڭ 20 جىلدىق مەرەيتويىنا الماتىلىق جاس سۋرەتشىلەر ەرەكشە تارتۋ جاسادى. الىپ شاھاردا العاش رەت "FOYA" دەپ اتالاتىن فەستيۆال ءوتتى. 

ەرەكشەلىگى سول، كورمەدە 20 شاقتى تۋىندىنى جاڭا "ونەر up" قوسىمشاسى ارقىلى جان ءبىتىرىپ كورۋگە مۇمكىندىك بار. ياعني، كەز كەلگەن سۋرەتتىڭ قالاي سالىنعانىن، ءتىپتى ونىڭ قوزعالعانىن دا كورۋگە بولادى. سونداي-اق شارا اياسىندا ۇلتتىق كىتاپحانا جانىنان "ونەر place" اتتى مادەني كەڭەستىك اشىلدى. وندا بارلىق كەلۋشىلەرگە تەگىن دارىستەر وتكىزىلمەك. ال فەستيۆالدە شابىتتانعان كلاسسيكادان باستاپ Street art ستيلىندە سالىنعان تۋىندىلار قويىلدى. كورمە 28ء-شى قىركۇيەككە دەيىن جالعاسادى.

«مەن ءۇش جۇمىس الىپ كەلدىم. بايتەرەك، سوسىن ۇيا دەگەن جانە ساپار دەگەن ءۇش جۇمىس. كەستە تەحنيكادا ورىن العان ءۇش جۇمىس. ءيا استانامەن بايلانىسى بار. نەگە دەسەڭىز؟ ويتكەنى استانانى قۇس دەپ سانايمىن. نەگە؟ ويتكەنى ول قاناتىن جايىپ، ۇشىپ جۇرگەن قۇس دەپ سانايمىن»،-دەدى سۋرەتشى تۇرباي مۇراتبەك.