ال بيىل جالپى، 300-گە جۋىق جەدەلساتى جاڭعىرتىلادى. تۇرعىن ءۇي شارۋاشىلىعىن جاڭعىرتۋ باعدارلاماسى المالى اۋدانىندا قارقىندى جۇرگىزىلۋدە. اۋداندا بيىل  كوپقاباتتى 33 ءۇيدىڭ ءليفتىسى اۋىستىرىلماق.  

المالى اۋدانىنداعى بۇل كوپقاباتتى ءۇيدىڭ تۇرعىزىلعانىنا جارتى عاسىردان اسقان. سودان بەرى جەدەلساتىسى اۋىستىرىلماپتى. قولدانىستا بولعانىنا 50 جىلدان اسقان ليفت سىر بەرە باستاعان. جاندارىن شۇبىرەككە ءتۇيىپ وتىرىپ جۇرگەن تۇرعىندار ونى جاڭعىرتۋدى ءبىر اۋىزدان قولداپ، ءقازىر ونى الماستىرىپتى. 

«جەدەلساتىعا قورقىنىشپەن كىرەتىنبىز. جوعارى قاباتتان تومەنگە جەتە الامىز با دەپ ۇرەيلەنەتىنبىز. سەبەبى، ول جۇرگەندە تەڭسەلىپ تۇراتىن. توقتاپ تۇرىپ قالاتىن كەزدەرى دە ءجيى بولاتىن. جالپى، بۇل ۇيدە 8 پودەزد بار. سونىڭ ۇشەۋىنىڭ جەدەلساتىسى اۋىستىرىلدى. جىل اياعىنا دەيىن تاعى ەكەۋىن جاڭعىرتپاقپىز»، – دەيدى الەكساندرا كوماروۆا.

«اقشاسى كوپ ەمەس. ءبىز 3 بولمەلى پاتەرگە مىڭ تەڭگە كولەمىندە اقشا تولەيمىز. ارى قاراي باعا تومەندەي بەرەدى. 2 بولمەلى پاتەر ازىراق تولەيدى. وتە ءتيىمدى»، – دەي ءدى قالا تۇرعىنى نۇرگۇل قاجىتاي.

ال قوجامقۇلوۆ كوشەسىندەگى مىنا ءۇيدىڭ جەدەلساتىسى جاقىندا اۋىستىرىلماق. وسى ۋاقىتقا دەيىن 70 پايىزدان اسا ازامات ونى اۋىستىرۋعا ءوز كەلىسىمىن بەرگەن.

«اپتاسىنا ءبىر رەت توقتاپ قالۋى مۇمكىن. ەگەر جارىق بولماسا دۇرىس جۇمىس ىستەمەي قالادى. دەگەنمەن، ءبارىمىز اۋىسقانى دۇرىس دەگەن ويمەن قول جيناپ جاتىرمىز»، – دەدى تاعى ءبىر تۇرعىن ايمان وماروۆا.

المالى اۋدانىندا وسى جىلى تۇرعىن ءۇي شارۋاشىلىعىن جاڭعىرتۋ باعدارلاماسىنىڭ اياسىندا كوپقاباتتى 33 ۇيدە 75 جەدەلساتى جاڭاسىنا اۋىستىرىلماق. وسى ۋاقىتقا دەيىن تەڭ جارتىسى الماستىرىلعان.  

«المالى اۋدانىندا 1402 كوپ قاباتتى ۇيلەر ورنالاسقان. سونىڭ ىشىندە 503 ۇيدە 854 ليفت ورناتىلعان. جاڭعىرتۋ باعدارلاماسى بويىنشا 2017 جىلى 15 ۇيدە 40 ليفت اۋىستىرىلعان بولاتىن»، – دەدى الماتى قالاسى المالى اۋدانى كوممۋنالدىق شارۋاشىلىق ءبولىمىنىڭ باسشىسى رۋسلان استانوۆ.

الماتى قالاسىنىڭ تۇرعىن ءۇي قورىندا شامامەن، 3700 جەدەلساتى بار. سونىڭ ىشىندە، 1500-دەن استامى اۋىستىرۋدى قاجەت ەتەدى. تۇرعىن ءۇيدى جاڭعىرتۋ بويىنشا بيىل قالادا 266 ليفت جاڭاسىنا اۋىستىرىلادى. ول وڭىرلەردى دامىتۋ باعدارلاماسى اياسىندا جۇزەگە اسىرىلۋدا.