اعىمداعى جىلى Astana Hub ءۇش ايلىق جەدەلدەتىلگەن باعدارلامانىڭ ءبىرىنشى لەگىن ىسكە قوسىپ، بۇگىنگى تاڭدا 4 جوبا جۇمىستارىن ءساتتى اياقتادى. بۇل تۋرالى «Astana Hub» بيزنەس-ساراپشىسى داۋلەت ايتماحانوۆ ەلوردا ينفو تىلشىلەرىنە بەرگەن سۇقباتىندا مالىمدەدى.

ستارتاپتار – تەحنولوگيالىق بيزنەستەگى يننوۆاسيانىڭ سكاۋتتارى، سوندىقتان ولار ءۇشىن قولايلى جاعداي جاساۋ جانە ولاردى قولداۋ Astana Hub-تىڭ باستى ماقساتى. قازىرگى كەزدە Astana Hub-تا 25 ادام جۇمىس جاسايدى.

«جىل باسىندا قولعا الىنعان 14 جوبانىڭ 10-ى ءارى قاراي جۇمىستارىن جالعاستىرۋدا. وسى جولى 17 جوبا اكسەلەراتوردا، ال 50 جوبا ينكۋباتوردا. جىل سوڭىنا دەيىن جوبالارمەن وسى قالىپتا جۇمىس جاساۋ جوسپارلانىپ وتىر»، –  دەدى داۋلەت ايتماحانوۆ.

باستاپقىدا جەدەلدەتۋگە باعىتتالعان باعدارلاماعا 90-عا جۋىق ءوتىنىم كەلىپ ءتۇستى، ونىڭ ىشىندە قازاقستاندىق جوبالار جانە كورشىلەس ءۇش ەلدەن رەسەي، تاجىكستان جانە وزبەكستاننان وتىنىمدەر بولدى. باعدارلاماعا ينكۋباتور بولىپ 360 كوماندا قاتىسقىسى كەلدى.

«ءبىز جاي عانا يدەيامەن ۇسىنىلعان جوبالاردى قابىلدامايمىز، وعان قاراعاندا قۇرامىندا جۇمىس جاسايتىن بىرنەشە ادامى بار، اتقارىلعان جۇمىس كولەمى بار جوبالارمەن جۇمىس جاسايمىز. رەزيدەنتتەردىڭ ورتا جاسى 22-27 جاستاعى ازاماتتار. وسى كۇزدەن باستاپ جوعارعى وقۋ ورىنىن ەندى عانا بىتىرگەن نەمەسە ستۋدەنتتەرمەن جاڭا ءونىم شىعارۋدى جوسپارلاپ وتىرمىز. سونداي-اق، ءبىزدىڭ قۇرامدا 30-عا تاياپ قالعان ستارتاپەرلەر دە بار. ولار ءوز جۇمىستارىنا بەيجاي قارامايدى، بايىپپەن جۇيەلى تۇردە بيزنەسكە جاقىنداپ كەلەدى»، – دەيدى د. ايتماحانوۆ.

كومپانيادا تەحنولوگيالىق كاسىپكەرلەر ءۇشىن قولايلى ەكوجۇيەنى قۇرۋعا كومەكتەسەتىن 8 باعىت جۇمىس جاساپ تۇر. ونىمدەردىڭ ءبىرى اكسەلەراتور – بۇل ءۇش ايلىق قارقىندى باعدارلاما، ونىڭ ماقساتى ءقازىردىڭ وزىندە بار جوبالاردى دامىتۋدى جەدەلدەتۋ. ودان باسقا ينكۋباتور بار، ول التى ايعا سوزىلعان جەدەلدەتىلگەن باعدارلاما.

«بۇل نەعۇرلىم ءپاسسيۆتى باعدارلاما بولىپ تابىلادى، ونىڭ ماقساتى - ستارتاپتاردى جەدەلدەتۋگە اكسەلەراتورلاۋعا دايىنداۋ جانە ولاردى قاجەتتى جاعدايلارمەن قامتاماسىز ەتۋ»، – دەپ ءتۇسىندىرىپ ءوتتى ول.

باعدارلاماعا قاتىسۋشىلارعا ارنالعان كومپانيا ورنالاسقان ەحرو-2017 حالىقارالىق كورمەسى عيماراتىندا 2-5 ادامعا ارنالعان جۇمىس الاڭى ورنالاسقان. ودان وزگە رەسەيدەن شاقىرىلعان سپيكەرلەرمەن جانە ساراپشىلارمەن اپتالىق وقىتۋ سەمينارلارى وتكىزىلىپ وتىرادى.

ايتا كەتەلىك، سەمينارعا قاتىسۋشىلار اكسەلەراتوردىڭ قاتىسۋشىلارى بولىپ تابىلادى، سەبەبى اكسەلەراتور اقىلى باعدارلاما بولسا، ينكۋباتور تەگىن. ياعني، اقىلى باعدارلاماعا كوبىرەك نازار اۋدارىلادى، تەك قازاقستاندىق ەمەس، رەسەيدەن وتە بىلىكتى ساراپشى ماماندار شاقىرتىلادى. كورشى ەلدەردەن ساراپشىلاردىڭ كەلۋى، قازىرگى كەزدە ەلىمىزدەگى IT سالاسى ماماندارىنىڭ  تاپشىلىعىنان ورىن الىپ وتىر.