بۇگىن الماتى قالاسىندا 31 ارنانىڭ ۇيىمداستىرۋىمەن حالىقارالىق «I`m a singer» تالانت-شوۋىنىڭ ەكىنشى ماۋسىمىنىڭ تۇساۋى كەسىلدى. بيىلعى ماۋسىمنىڭ سىيلىق قورى 50 000 000 تەڭگە! قازاقستاندا بالاماسى جوق عالامات جوباعا بۇل جولى دا الەمنىڭ ءار تۇكپىرىنەن ەڭ مىقتى داۋىس يەلەرى جينالادى.
7 تامىز كۇنى الماتى قالاسىندا 31 ارنادان ەفيرگە شىعاتىن «I`m a singer» حالىقارالىق تالانت-شوۋىنىڭ ەكىنشى ماۋسىمىنىڭ باستالۋىنا وراي جۋرناليستەرگە ارنالعان تاڭعى اس ۇيىمداستىرىلدى. جوبا جاساۋشىلار مەن ساراپشىلار جاڭا ماۋسىمنىڭ باستى جاڭالىقتارىمەن ءبولىسىپ، رەسمي تۇردە جوبا كاستينگىنىڭ اياقتالعانىن حابارلادى.
جوبانىڭ باس ۇيىمداستىرۋشىسى – 31 ارنا بيىل عالامات شارانىڭ ەرەجەلەرىنە ءبىرقاتار وزگەرىستەر ەنگىزگەن بولاتىن. بۇدان بىلاي شوۋعا 16 جاسقا تولعان، ءوزىنىڭ تالانتىنا سەنىمدى كەز كەلگەن ۇمىتكەر ءوتىنىش بىلدىرە الادى. 31 ارنانىڭ باس ديرەكتورى باعدات قوجاحمەتوۆتىڭ ايتۋىنشا، قازاقستان تۇرعىنىنىڭ دا، وزگە ەل ازاماتىنىڭ دا جوباعا قاتىسۋعا قاقى بار. ءوتىنىش قابىلداۋ 2018 جىلدىڭ مامىر ايىندا باستالىپ، 28 شىلدەدە اياقتالدى.
جاڭا ماۋسىمدا جوباعا شەتەلدەردەن ءبىرقاتار قاتىسۋشىلار كەلەدى دەپ كۇتىلۋدە. سەبەبى بۇگىنگى تاڭدا «I`m a singer» جوباسىنا ءۇش مىڭنان اسا ادام ءوتىنىش جىبەردى. ولاردىڭ اراسىندا قازاقستان، رەسەي، ۋكراينا، وزبەكستان، قىرعىزستان، ءازىربايجان، يران، ارمەنيا جانە بەلورۋسسيا مەملەكەتتەرىنەن نيەت بىلدىرگەندەر دە بار.
«بۇل جوبا - كەل كەلگەن مۋزىكالىق ەسترادانىڭ دارگەيىن كوتەرەتىن شوۋ، - دەيدى 31 ارنانىڭ باس ديرەكتورى باعدات قوجاحمەتوۆ. – ول جاي عانا ءان سايىسى ەمەس، ونى جۇلدىزداردىڭ ونەرى دەپ قاراۋ قاتە. ول، ەڭ الدىمەن، وزىنشە درامتۋرگياسى بار، ءانشىنىڭ ىشكى جان تەبىرەنىسىن بەينەلەيتىن بىرەگەي جوبا. مۇنداي جوبالاردىڭ باسىم بولىگى كوپتىڭ اراسىنان بىرەۋدى سۋىرىپ الىپ شىعىپ، جۇلدىز جاساۋدى ماقسات تۇتسا، بۇل شوۋدىڭ ماقساتى – كەرىسىنشە، جۇلدىزدىڭ دا ادام ەكەنىن كورسەتۋ. ۇقساستىعى، ەكەۋىنىڭ دە قۇرالى – ءان».
ەكىنشى ماۋسىم 2018 جىلدىڭ 9 قىركۇيەگىندە ەفيرگە جول تارتىپ، 31 ارنادان كورسەتىلەدى. ال MUZZON TV تەلەارناسى ساحناداعى عانا ەمەس، ساحنا سىرتىنداعى قىزىقتى جايتتاردى دا كورەرمەنگە ۇسىنىپ، جوبانىڭ كۇندەلىگىن جۇرگىزەدى.
بيىلعى ماۋسىمدا ساراپشىلار دا ناعىز جۇلدىزداردان قۇرالعان. ولاردىڭ اراسىندا ساكەن مايعازييەۆ، ماقپال ءجۇنىسوۆا سىندى انشىلەر بار.
«قازاقستاندا تەڭدەسى جوق مۇنداي اۋقىمدى حالىقارالىق جوباعا قاتىسۋ – مەن ءۇشىن ۇلكەن مارتەبە. تالانتتارىمىزدى ءوز كوزىمىزبەن كورىپ، ءبىر مارقايىپ قالاتىن بولدىق. مۇنداي شوۋلار بولاشاق جەڭىمپازداردىڭ، جاس تالانتتاردىڭ جولىن اشىپ، ۇلكەن مۇمكىندىكتەر سىيلايدى»، - دەدى ساراپشى قازى ساكەن مايعازييەۆ.
باسپا ءسوز كونفەرەنسياسىندا ءسوز سويلەگەندەر:
- باعدات قوجاحمەتوۆ – 31 ارنانىڭ باس ديرەكتورى
- سءاكەن مايگازييەۆ – «مۋزارت» توبىنىڭ ءانشىسى، «I`m a singer» ساراپشى قازىسى؛
- التىنبەك راحمەتوۆ – قازاقستاندىق پروديۋسەر، رەجيسسەر؛
2017 جىلى كۇز-قىس تەلەماۋسىمىنىڭ ەڭ اۋقىمدى مۋزىكالىق وقيعاسى اتانعان «I’m a Singer» جوباسىنىڭ ءبىرىنشى ماۋسىمىنا الەمنىڭ 6 ەلىنەن ەڭ مىقتى 8 كاسىبي ءان ورىنداۋشى قاتىسىپ، كورەرمەننىڭ ەرەكشە ىقىلاسىن وياتقان بولاتىن. جۇزدەن جۇيرىك شىققان ءانشىنى تاڭداۋعا ساراپشىلار عانا ەمەس، كورەرمەندەر دە اتسالىستى. ولار زالدا وتىرىپ تا، سمس-حابارلاما ارقىلى دا داۋىس بەردى. «I’m a Singer» شوۋىنىڭ ءبىرىنشى كەزەڭىندە قازاقستاندىق ءانشى قايرات تۇنتەكوۆ جەڭىسكە جەتتى. ول فينالدا كورەرمەندەردىڭ باسىم داۋسىنا يە بولىپ، قارسىلاستارىن باسىپ وزدى. جوبا تۋرالى تولىعىراق singer.31.kz. سايتىنان بىلە الاسىزدار.
