19 تامىز كۇنى ساعات 12.00-دە «الماتى-ارەنا» كوپفۋنكسيونالدى كەشەنىندە ستۋدەنتتەر اراسىنداعى فۋتزال بويىنشا الەم چەمپيوناتىنىڭ سالتاناتتى اشىلۋ ءراسىمى وتەدى. مۇنداي اۋقىمدى وقيعا تمد اۋماعىندا العاش رەت وتكىزىلمەك.

ايتا كەتەرلىك، 2015 جىلدىڭ قازان ايىندا الماتى قالاسى 2018 جىلى فۋتزال بويىنشا الەم چەمپيوناتىن وتكىزۋ مۇمكىندىگىن ۇتىپ الدى (بۇدان ءارى 2018 جىلعى الەم كۋبوگى). تۋرنيرلەرگە الەمنىڭ ەرلەر مەن ايەلدەر قۇرامالارىنىڭ ەڭ مىقتى كوماندالارى قاتىسادى: كانادا، گەرمانيا، فرانسيا، ارگەنتينا، جاڭا زەلانديا، بولگاريا، پورتۋگاليا، پولشا، حورۆاتيا، سلوۆاكيا، چەحيا، رەسەي، جۇڭگو، يزرايل، تايلاند، ۋكراينا. سونداي-اق، بۇكىل الەمنىڭ كوپتەگەن جانكۇيەرلەرىنىڭ كەلۋى.

2018 جىلعى الەم كۋبوگىنىڭ ۇيىمداستىرۋشىلارى بولىپ ۇلتتىق ستۋدەنتتىك فۋتزال ليگاسى مەن قازاقستان رەسپۋبليكاسىنىڭ ستۋدەنتتىك سپورت فەدەراسياسى بولىپ تابىلادى. حالىقارالىق ستۋدەنتتىك سپورت فەدەراسياسى (FISU)، قازاقستان رەسپۋبليكاسىنىڭ ستۋدەنتتىك سپورت فەدەراسياسى مەن فۋتزال بويىنشا ۇلتتىق ستۋدەنتتىك ليگا اراسىنداعى كەلىسىمگە سايكەس، 2018 جىلعى الەم چەمپيوناتىن وتكىزۋ مەرزىمى 2018 جىلدىڭ 19-26 تامىزى ارالىعىندا بەلگىلەندى.

بۇدان باسقا، ۇيىمداستىرۋ كوميتەتىنە قازاقستان رەسپۋبليكاسى ءبىلىم جانە عىلىم مينيسترلىگى، قازاقستان رەسپۋبليكاسى مادەنيەت جانە سپورت مينيسترلىگى جانە الماتى قالاسىنىڭ اكىمدىگى كىرەدى. چەمپيوناتتىڭ حالىقارالىق دەڭگەيىن ەسكەرە وتىرىپ، نەگىزگى قوناقتار رەتىندە FISU اتقارۋشى ديرەكتورى، ق ر ءبىلىم جانە عىلىم ءمينيسترى، ق ر مادەنيەت جانە سپورت ءمينيسترى، الماتى قالاسىنىڭ اكىمى، قازاقستان رەسپۋبليكاسىنىڭ ستۋدەنتتىك سپورت فەدەراسياسىنىڭ پرەزيدەنتى، قازاقستاننىڭ باسقا دا جوعارى لاۋازىمدى تۇلعالارى جانە حالىقارالىق قاتىسۋشى كوماندالاردىڭ وكىلدەرى قاتىسادى.