اتىراۋ وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىنىڭ جاڭا باسشىسى تاعايىندالدى.
ءوڭىر باسشىسى نۇرلان نوعايەۆ وبلىس اكتيۆىنە ماقات اۋدانىنىڭ اكىمى بولىپ تاعايىندالعان جۇماباي قاراعايەۆتىڭ ورنىنا ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىنىڭ جاڭا باسشىسىن تانىستىردى. ول ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسى باسشىسىنىڭ مىندەتىن اتقارۋشى مۇرات يعالييەۆ بولدى.
تاعايىنداۋ بارىسىندا نۇرلان نوعايەۆ ونىڭ وندىرىستىك جانە ومىرلىك تاجىريبەسى مەن كەڭ ءبىلىمى قويىلعان مىندەتتەردى ويداعىداي شەشۋگە كومەكتەسەتىندىگىنە سەنىم ءبىلدىرىپ، مۇرات يعالييەۆتىڭ ۇلكەن ەڭبەك ءوتىلىن اتاپ كورسەتتى. ءوڭىر باسشىسى تاعايىنداۋ ناتيجەسىندە جاڭا باسشىنىڭ الدىنا ءبىرقاتار ناقتى مىندەتتەر قويدى.
مۇرات يعالييەۆ ەڭبەك جولىن 1984 جىلى «اقكتاۋترانسگاز» مەملەكەتتىك كاسىپورنىندا قۇبىركومپرەسسورلىق سەحىنىڭ ءماشينيسى بولىپ باستاعان.
1997 جىلدان بەرى ماڭعىستاۋ وبلىسىنىڭ جەلىلىك وندىرىستىك باسقارماسىندا، «ينتەرگاز ورتالىق ازيا» مەكەمەسىندە ءتۇرلى قىزمەتتەردى اتقارعان. 2004 جىلدان بەرى «قازاق-سەرۆيس» جانە «دەنحولم-جولداس» كومپانيالارىندا قاۋىپسىزدىك جونىندەگى ينجەنەردەن باستاپ باس ۇيلەستىرۋشى لاۋازىمىنا دەيىن ءتۇرلى قىزمەتتەردە بولعان.
2013 جىلى باتىس قازاقستان وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىنىڭ باس مامانى. 2015-2016 جىلدارى «جايىقجىلۋقۋات» اق-دا تەحنيكالىق ديرەكتور، باس ديرەكتوردىڭ ءبىرىنشى ورىنباسارى، باس ديرەكتور سياقتى باسشىلىق لاۋازىمداردى اتقارعان. 2016 جىلى قازاندا «Kazakhmarket» ج ش س ديرەكتورىنىڭ ورىنباسارى بولىپ تاعايىندالدى.
2017 جىلدان بەرى اتىراۋ وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىنىڭ باس مامانى، باسقارما باسشىسىنىڭ ورىنباسارى.
جوعارى ءبىلىمدى، ساراتوۆ مەملەكەتتىك تەحنيكالىق ۋنيۆەرسيتەتىن «ونەركاسىپتىك جىلۋەنەرگەتيكاسى» ماماندىعى بويىنشا اياقتاعان.