الماتى شاھارىنىڭ اكىمى باۋىرجان بايبەك جۇمىس بارىسىندا قالانىڭ ينجەنەرلىك كوممۋنيكاسيالارىنىڭ جاڭارتۋ قارقىنىن تەكسەردى. قازىرگى كەزدە مەگاپوليستە 12 شاقىرىم جىلۋ جەلىلەرىنىڭ جوندەۋ جۇمىستارى، قولدانىستاعى گاز قۇبىرلارىنىڭ كەڭەيتىلۋى جانە، 120 مىڭنان استام تۇرعىنعا ارنالعان، جاڭا سۋ قۇبىرلارىنىڭ وتكىزىلۋى اياقتالۋدا.

الماتى قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى ماقسۋت يساحوۆتىڭ ايتۋىنشا، جۇرگىن بولىكتەگى ينجەنەرلىك جەلىلەردىڭ قايتا وندەلۋى ايدىن اياعىندا اياقتالادى، سونىمەن اۆتوكولىكتەردىڭ بارلىق ۋچاسكەلەردە كەدەرگىسىز ءجۇرۋى قامتاماسىز ەتىلەدى. سونىمەن قاتار، قايتا وندەۋ كەزىندە قالا تۇرعىندارىن ۇزدىكسىز ىستىق سۋمەن كامتاماسىز ەتكەن، ۋاقىتشا كەستەلەردى بۇزۋ جانە اۋماقتى كورىكتەندىرۋ بويىنشا جۇمىس جالعاسادى.

بيىلعى جىلى تولە بي (ۆارلاموۆ - وتەگەن باتىر - وتارسكايا جانە روزىباكييەۆ – تلەندييەۆ كوش.)، بوگەنباي باتىر (مۇقانوۆ – ايتييەۆ كوش.)، جامبىل (پۋشكين - نازاربايەۆ)، قازىبەك بي (ۋاليحانوۆ – ابدۋللين كوش.)، قاراساي باتىر (ناۋرىزباي باتىر – چايكوۆسكيي كوش.)، چايكوۆسكيي (قاراساي باتىر - تولە بي) جانە شاگابۋتدينوۆ (قۇرمانعازى - ورتالىق ستاديون) كوشەلەرىندە ينجەنەرلىك جەلىلەر جاڭارتىلدى.

سوڭعى جىلدارى الماتى قالاسىندا 800 شاقتى شاقىرىم ينجەنەرلىك جەلىلەر سالىنىپ، قايتا وندەلدى. ونىڭ ىشىندە 313 شاقىرىم سۋ قۇبىرى، 266 شاقىرىم كارىز جۇيەسى، 15 شاقىرىم ەلەكتر قۇبىرلارى جانە 32،3 شاقىرىم جىلۋ قۇبىرلارى.

ۇزىندىعى 500-دەي شاقىرىمدى قۇرايتىن 524 كوشە جانە جاياۋ جۇرگىنشىلەرگە ارنالعان، ۇزىندىعى 100 شاقىرىمدى قۇرايتىن جاياۋجول جوندەلدى. الماتىنىڭ 3 787 اۋلالارىنان 1 400-دەي اۋلا جاڭارتىلىپ، قايتا وندەلدى. بارلىق جەراستى وتكەلىلەردىڭ كۇردەلى جوندەۋ جۇمىستارى اياقتالۋدا.

سونىمەن قاتار، شاھاردىڭ تاريحي ورتالىعىنىڭ قايتا جوندەۋ جۇمىستارى جالعاسۋدا. بىلتىر پانفيلوۆ، جىبەك جولى، گوگول، قابانباي باتىر، تولەبايەۆ، بايسەيتوۆا كوشەلەرى جانە «استانا» الاڭى جاڭارتىلسا، بيىل اباي داڭعىلى، ابىلايحان، دوستىق، نازاربايەۆ، جەلتوقسان كوشەلەرى، «الماتى-2» بەكەتىنىڭ اۋماعى جانە رەسپۋبليكا سارايىنىڭ الدىنداعى الاڭ جوندەلۋدە.