سوڭعى ءۇش جىلدا الماتىدا 296 كم-دەن استام ارىق جەلىلەرى قايتا قالپىنا كەلتىرىلىپ، سالىندى. بۇل رەتتە ەڭ وزەكتى جانە ءجيى سۋ باسقان جەرلەرگە 70 شاقىرىمنان استام ارىق قۇرىلىستارى سالىنعان. تاياۋ ۋاقىتتا قالانىڭ تابيعي رەسۋرستار جانە تابيعاتتى پايدالانۋ باسقارماسىنىڭ باعىتىمەن تاعى 44،396 كم ارىق جەلىسىن سالۋ جانە جاڭعىرتۋ قۇرىلىستارى باستالادى.

بيىلعى جىلى الماتىدا جەرگىلىكتى سۋ تاسقىنىنان 103 وقيعا تىركەلدى، بۇل وتكەن جىل كەزەڭىمەن سالىستىرعاندا 2،3 ەسە از جانە 2016 جىلعا قاراعاندا 3،5 ەسە تومەن، بۇنداي 361 جاعداي تىركەلگەن.

سونىمەن قاتار قالادا سۋ باسقان جەرلەر ءجيى كەزدەسەدى. ەگەر 2017 جىلى ولاردىڭ سانى 65 ۋچاستوكتى قامتىسا، ال بيىلعى جىلى جەكە ۇيلەر مەن كوشەلەردى سۋ باسۋ قاۋپىنەن 45 ۋچاسكەلىك جەرلەردە جويىلدى. وسىلايشا، تەك سوڭعى جىلدارى عانا ۇنەمى سۋ باسۋ قاۋىپىنەن ۋچاسكەلەر سانى 3 ەسە ازايدى.

بۇدان باسقا، سەل ءقاۋپىن تۇبەگەيلى شەشۋ ءۇشىن الماتى قالاسى اكىمىنىڭ باستاماسىمەن اقساي مەن ايۋساي سەلدەرى بوگەتتەرىنىڭ قۇرىلىسىندا الماتى قالاسىنىڭ شاتقالىنداعى مىڭجىلقى بوگەتىن قالپىنا كەلتىرۋ جۇمىستارى اياقتالۋدا.

سەل ءقاۋپىنىڭ اۆتوماتتاندىرىلعان مونيتورينگى العاش رەت ەنگىزىلەتىن بولادى. الماتى قالاسىنداعى سەل قاۋىپ-قاتەرلەرىن كۇرت تومەندەتەتىن 9 شوگىندى كولگە ءبىر مەزگىلدە سۋدى سورىپ الۋعا مۇمكىندىك بەرەتىن سورعىلار ساتىپ الىندى.

گەس1-ۇاك جانە مەدەۋ-شىمبۇلاقتاعى بەتكەيلەردىڭ تۇراقسىز بولىكتەرى قورعانىس قۇرىلىمدارىمەن كۇشەيتىلدى. جەتىسۋ، مەدەۋ جانە بوستاندىق اۋداندارىندا گابيون عيماراتتارىنىڭ تىرەۋ قابىرعالارى دا سالىنعان.

ەسەنتاي، كيماسار جانە جاربۇلاق وزەندەرىنىڭ وزەن ارنالارىنىڭ ۋچاسكەلەرىن رەكونسترۋكسيالاۋ جۇرگىزىلدى. 2015 جىلى قاتتى سەل بولعان ناۋرىزباي اۋدانىنداعى «قارعالى» وزەنىنىڭ كانالىنداعى 6 وزەن كوپىرى كۇردەلى جوندەۋدەن وتكىزىلىپ، بۇگىنگى كۇنى ءبىرقالىپقا كەلتىرىلدى.

بۇگىنگى تاڭدا جالپى ۇزىندىعى 9،4 شاقىرىمنان استام سۋ تاسقىنى ءقاۋىپتى ەرمەنساي، كەرەنقۇلاق، ۇلكەن جانە كىشى قاراسۋ ءتورت وزەنگە تاسقىننان قورعاۋ جانە كورىكتەندىرۋ جۇمىستارى جۇرگىزىلۋدە.