مۇنداي تىڭ اقپاراتتى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە «مەتروپوليتەن» كمك كۇردەلى قۇرىلىس قىزمەتىنىڭ ءبولىم باسشىسى سەيتقۇلوۆ ماقسات حابارلادى.
ونىڭ ايتۋىنشا، قازىرگى تاڭدا ەكىنشى ىسكە قوسۋ كەشەنىنىڭ قۇرىلىسى جۇرگىزىلۋدە، مەتروپوليتەننىڭ ءبىرىنشى جەلىسى ەكىنشى كەزەگىنىڭ ەكىنشى ىسكە قوسۋ كەشەنىنىڭ ۋچاسكە تراسساسى التىنسارين داڭعىلىنان ياسساۋي كوشەسىنە دەيىن باتىس باعىتتا اباي داڭعىلى استىندا ورنالاسقان. ارالىق توننەلدەر جانە پيلون ءتيپتى تەرەڭ توسەلگەن - سارىارقا بەكەتى جانە تومەن توسەلگەن - دوستىق بەكەتى ەكى بەكەتتەن تۇرادى.ەكى جولتاباندى ەسەپتەگەندە قۇرىلىس ۇزىندىعى – 3،08 كم قۇرايدى.
ەكىنشى ىسكە قوسۋ كەشەنىن پايدالانۋعا بەرگەننەن كەيىن مەتروپوليتەن قىزمەتتەرىنە سۇرانىستىڭ بولجامدى ەسەپتەرىنىڭ قورىتىندىلارى بويىنشا كۇندەلىكتى جولاۋشىلاردىڭ كۇتىلەتىن سانى 85 مىڭ ادامنان اسادى. ول مەتروپوليتەندە جولاۋشىلار تاسىمالىن ەلەۋلى ارتتىرادى جانە اباي داڭعىلىن بىرنەشە مارتەگە جەڭىلدەتەدى.
سارىارقا بەكەتى «فەمەلي» پاركىنىڭ جانىندا ورنالاسقان، بەكەت قالانىڭ حالىق تىعىز ورنالاسقان ەلدى مەكەندەرىنىڭ ءبىرىن №3، 4، 5، 6، 7، 8، 12 شاعىن اۋداندارىن قامتيدى.
ەكى جەراستى ۆەستيبيۋلى جانە كىرە بەرىسى بار دوستىق بەكەتى مومىش ۇلى كوشەسىنەن باتىسقا قاراي ءجۇرىس بولىگىنىڭ استىندا اباي داڭعىلىنىڭ بويىندا ورنالاسقان. بەكەت جەتىسۋ، جەتىسۋ-2، جەتىسۋ-4، مامىر، مامىر-5، مامىر-7 شاعىن اۋداندارىن قامتيدى.
الماتى مەتروپوليتەنى قۇرىلىسىنىڭ بىرەگەيلىگى اسا كۇردەلى گەوتەحنيكالىق فاكتورلار كەشەنىمەن انىقتالادى:
- سولتۇستىك تيان-شاننىڭ كۇردەلى ايماقتىق گەوديناميكاسى؛
اۋماقتىڭ جوعارى سەيسميكالىلىعى MSK شكالاسى بويىنشا 9-10 بالل.
- تاۋ ارالىق شۇڭعىمانى ءتارىزدى ەڭىس بەدەرى بار باۋ بوكتەرى.
- توپىراق ءارتۇرلى، بەرىكتىگى تومەن، ەداۋىر مولشەردەگى قويتاستاردان جاسالعان مالتا تاستار.
2016 جىلعى 24 قاراشاداعى «سارىارقا» جانە «دوستىق» بەكەتتەرىنىڭ ينتەرەرىن بەكىتۋ بويىنشا ەسكيزدى جوبالاردى قاراستىرۋ جونىندەگى كوميسسيا وتىرىسىنىڭ حاتتاماسىندا كەلەسى جۇمىستار جەڭىمپاز بولىپ بەلگىلەندى جانە ءارى قاراي جوبالاۋعا ۇسىنىلدى:
- «سارىارقا» بەكەتى بويىنشا №2-نۇسقا - جوبا اۆتورلارى «مەتروپروەكت» ج ش س ساۋلەتشىلەرى م.پ.فرولوۆ جانە ي.ل.انتونوۆا.
بەكەت ينتەرەرلەرىنىڭ ساۋلەت-كوركەمدىك بەزەندىرۋ كەزىندەگى نەگىزگى يدەياسى- سارىارقانىڭ كەڭ اۋقىمدى سۇلۋلىعىن جانە بىرەگەيلىگىن كورسەتۋ. پاننو فونى كومەسكى جارىعى بار ءمارمار ونيكستەن جاسالعان- دەپ اتاپ ءوتتى م.باقىت ۇلى.
