الماتىداعى ينۆەستورلار سىبايلاس جەمقورلىقتان جان-جاقتى قورعالماق. وسى ماقساتتا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى ارنايى جوبا ازىرلەدى.

جوبا اياسىندا دەپارتامەنت شەتەلدىك كومپانيالاردىڭ قۇقىقتارى مەن زاڭدى مۇددەلەرىنە، سونداي-اق بيزنەس-قاۋىمداستىقتارعا بارىنشا قولداۋ كورسەتىپ، قولايلى جاعدايلار تۋعىزباق.

«ەلىمىزدىڭ كاسىپكەرلەرى جانە شەتەلدەن كەلگەن كاسىپكەرلەردە سۇراقتار جانە جۇمىستارىنىڭ ارى قاراي جۇرۋىنە قاتىستى كومەك قاجەت بولىپ جاتسا، وسى جوبا اياسىندا كومەك كورسەتەمىز. بۇل اتالمىش اگەنتتىكپەن بىرىگە وتىرىپ قۇرىلعان جوبالىق كەڭسە. «Kazakh Invest» ۇلتتىق كومپانياسىنىڭ» الماتى قالاسىنداعى كەڭسەسىندە جۇمىس اتقارادى. كەڭسە دوستىق كوشەسى، 202 ۇيدە ورنالاسقان. وسى مەكەنجايعا كەلىپ، بىزبەن سويلەسىپ، مۇڭ-مۇقتاجى بولسا ايتۋلارىنا بولادى»، – دەدى «Kazakh ءىnvest» ۇك» اق الماتى قالاسى بويىنشا ايماقتىق ديرەكتورى جاندوس ورازالييەۆ.