25 تامىزدا قايتىس بولعان امەريكالىق سەناتور دجون ماككەين جەرلەۋ راسىمىنە اقش پرەزيدەنتى دونالد ترامپتى شاقىرۋعا تىيىم سالدى دەپ حابارلايدى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. امەريكالىق سەناتور انناپوليس قالاسىنداعى اسكەري تەڭىز كۇشتەرى اكادەمياسىنىڭ زيراتىنا جەرلەنەدى. ال دجون ماككەينمەن قوشتاسۋ ءراسىمى اريزونا شتاتىنداعى پارلامەنت اسسامبلەياسىندا وتەتىن بولادى. ماككەين اريزونا شتاتى اتىنان كونگرەسستە 35 جىل بويى سەناتور بولعان.

جەرلەۋ راسىمىنە دەيىن مارقۇمنىڭ دەنەسى ۆاشينگتونداعى روتوندا كۇمبەزىندە ساقتالادى. اقش تاريحىندا مۇنداي قۇرمەتكە يە بولعان 13 سەناتوردىڭ ءبىرى دجون ماككەين بولماق.

جەرلەۋ راسىمىنە اقش-تىڭ بۇرىنعى پرەزيدەنتتەرى كىشى دجوردج بۋش پەن باراك وباما شاقىرىلعان. بۇل مارقۇمنىڭ ءوتىنىشى بولعان ەكەن. ال اقش-تىڭ قازىرگى پرەزيدەنتى دونالد ترامپتى جەرلەۋ راسىمىنە شاقىرۋعا تىيىم سالعان. سەبەبى دجون ماككەين ءوزىنىڭ پارتيالاسى ترامپتىڭ سيريا، رەسەي جانە جۇڭگو ەلدەرىنە قاتىستى ساياساتىنا قارسى شىققان كورىنەدى.

ماككەين قازا بولعاننان كەيىن ترامپ ءوزىنىڭ Twitter پاراقشاسى ارقىلى مارقۇمنىڭ وتباسىنا كوڭىل ايتتى.  

دجون ماككەين  ۆەتنام سوعىسىنىڭ ارداگەرى ءارى تۇتقىنى بولعان. ول 81 جاسىندا ميدىڭ قاتەرلى ىسىگىنەن ەمدەلمەگەن كۇيى ومىردەن ءوتتى.