الماتىدا ترياتلوننان ازيا كۋبوگىنىڭ جەڭىمپازدارى انىقتالدى. العاش رەت وڭتۇستىك استانادا وتكەن جارىسقا 16 ەلدەن كەلگەن 60-قا جۋىق اتلەت قاتىستى.

ايتا كەتەرلىگى، سايىستا ازيا ەلدەرىنەن بولەك اۆستراليا، بەلگيا، جاپونيانىڭ دا سپورت ساڭلاقتارى ب ا ق سىناستى. سەنبى كۇنى باستالعان بايراقتى باسەكەنى تاماشالاۋعا قالا اكىمى باۋىرجان بايبەك كەلىپ، سپورتشىلارعا ساتتىلىك تىلەدى.

«ءبىز قازىرگى كەزدە قالا تۇرعىندارىنىڭ بەلسەندى  جانە سالاۋاتتى دەمالۋى ،ياعني، ۆەلوسيپەد تەبۋى، جۇگىرۋى،جاياۋ ءجۇرۋى ءۇشىن ۇلكەن مۇمكىندىكتەر جاساۋدامىز. قالادا 68 كيلومەتر ۆەلوجولدار اباتتاندىرىلدى، تاياۋ جىلدارى ءبىز ولاردى 100 كيلومەترگە دەيىن جەتكىزۋدى كوزدەپ وتىرمىز. قازىرگى كەزدە ستۋدەنتتەر اراسىندا فۋتزالدان وتەتىن  الەم چەمپيوناتىنا دايىندالۋدامىز. الماتىدا العاش رەت ۇيىمداستىرىلعان ترياتلوننان ازيا كۋبوگى دا وسى سپورت ءتۇرىنىڭ ەلىمىزدە، ءبىزدىڭ قالامىزدا دامۋىنا سەرپىن بەرەدى دەگەن سەنىمدەمىن»، – دەدى الماتى قالاسىنىڭ اكىمى باۋىرجان بايبەك.

قالا باسشىسىنىڭ قۇتتىقتاۋ سوزىنەن سوڭ، «Elite» ساناتىنداعى ەرلەر مەن ايەلدەر سىنعا ءتۇستى. سپورتشىلار سايران كولىندە 750 مەتر قاشىقتىقتا ءجۇزىپ شىعىپ، سودان كەيىن 10 كم ۆەلوسيپەدپەن جارىستى. سايىس مۇنىمەن توقتاعان جوق، ارمەن قاراي قاتىسۋشىلار 5 شاقىرىمدى جۇگىرىپ ءوتۋى ءتيىس. ءۇش كەزەڭنەن سۇرىنبەي وتكەن جاپونيا مەن كورەيا اتلەتتەرى ۇزدىك ۇشتىككە ەندى. ءبىرىنشى ورىندى جاپون قىزى نيينا كيشيموتو يەلەندى. قازاقستاندىق سپورتشى قىزدار العاشقى وندىققا كىرگەنىمەن، جۇلدەلى ورىنداردان كورىنە المادى.

«بۇل مەنىڭ سپورتتىق مانسابىمداعى ەڭ ۇزدىك جارىستاردىڭ ءبىرى بولدى. سايىس وڭايعا سوققان جوق، قارسىلاستارىم دا مىقتى ەكەن. دەگەنمەن، ءبىرىنشى بولىپ كەلگەنىمە قۋانىشتىمىن»، – دەدى ترياتلوننان ازيا كۋبوگىنىڭ جەڭىمپازى نيينا كيشيموتو.

«ستارت وتە قيىن بولدى. سەبەبى، قوستانايدا ءبىزدىڭ دايىندالاتىن جولدار تەگىس. ال مۇندا جوعارى قاراي جۇگىرگەندە ازداپ قيىنعا سوقتى. ءجۇزۋ مەن ۆەلوجولدان جاقسى ءوتتىم. جالپى، فينيشكە 16-شى بولىپ كەلدىم. كەلەسى جولى تىڭعىلىقتى دايىندالاتىن بولامىز»، – دەدى قازاقستاندىق سپورتشى (قوستاناي) يانا موروزوۆا.

ەرلەر اراسىندا گونكونگتان كەلگەن وسكار كوگگينسقا ءبىرىنشى ورىن بۇيىردى. قازاقستاندىق سپورتشىلار 9-شى، 10-شى، 14ء-شى ورىندارعا تابان تىرەدى.  

«ستارت وڭايعا سوققان جوق. ۆەلوسيپەد، تراسسا، ءبارى جاقسى بولدى. ۆەلوكەزەڭدە ارتتا قالىپ قويدىم. وسى سايىستان جاقسى ناتيجە كورسەتەمىن دەپ ويلاعان ەدىم، دەگەنمەن، بۇل جارىس»، – دەدى قازاقستاندىق سپورتشى سەمەن پيۆوۆاروۆ.

«ءبىزدىڭ ءۇمىتىمىز اقتالدى دەسەم بولادى. ءبارى دە ويداعىداي ءوتتى. مىقتى باسەكەلەستىككە قاراماستان، اتلەتتەرىمىز ۇزدىك وندىققا كىردى. قازاقستاندىق سپورتشىلار: مەيىرلان ىسقاقوۆ 9-وشى رىن، ال تەمىرلان تەمىروۆ 10-شى ورىنعا جايعاستى. ءبىزدىڭ سپورتشىلارىمىزدىڭ جاس ەكەنىن، ەلىمىزدە ترياتلوننىڭ ەندى دامىپ كەلە جاتقانىن ەسكەرسەك، بۇل جاقسى كورسەتكىش. ايەلدەر اراسىندا اتلەتىمىز 4ء-شى ورىن الدى. ەندى ەلىمىزدىڭ بارلىق ايماعىندا ترياتلوندى دامىتساق دەگەن ماقساتىمىز بار»، – دەدى «Triathlon اsian سup اlmaty» ۇيىمداستىرۋ كوميتەتىنىڭ ديرەكتورى اقمارال ەسپەنبەتوۆا.

حالىقارالىق سپورت سايىسى ەكى كۇنگە سوزىلدى. ءبىرىنشى كۇنى كاسىبيلەر جارىسقا تۇسسە، ال ەكىنشى كۇنى ءار ءتۇرلى جاستاعى تىركەلگەن 170-كە جۋىق اۋەسقوي سپورتشىنىڭ باسەكەسى ءوتتى. اۋەسقويلار اراسىندا الماتىلىق اسلان ءابدراحمانوۆ جەڭىس تۇعىرىنان كورىندى. ايتا كەتەيىن، بايراقتى باسەكەگە ۇيىمداستىرۋشىلار تىڭعىلىقتى دايىندالدى. سايران كولىنىڭ سۋى تازارتىلىپ، ايماعى اباتتاندىرىلدى. جيەگىنە قۇم توگىلىپ، جولدارى دا جوندەۋدەن ءوتتى.