اتىراۋدا «بىلينا» ورىس ەتنو-مادەني بىرلەستىگىنىڭ ءتوراعاسى كولىك جانە كوممۋنيكاسيا كوللەدجىنىڭ «كولىك قۇرىلعىلارى» كابينەتىن جوندەۋ ءۇشىن ءوز قاراجاتىنان 2 ملن تەڭگە ءبولدى.

«يندۋستريالاندىرۋ جانە ەكونوميكانى جاڭعىرتۋ باعدارلاماسى اياسىندا ەلىمىزگە بىلىكتى قىزمەتكەرلەر قاجەت ەتەدى. كابينەت ءبىلىم بەرۋ ساپاسىن ارتتىرۋ جانە ستۋدەنتتەردىڭ كاسىبي بىلىكتىلىگىن ارتتىرۋ ماقساتىندا جابدىقتالدى. وسى تۇرعىدا ءبىلىم سالاسىنا جاسالعان بۇل كومەكتىڭ ماڭىزى زور»، - دەيدى ا. كورابليەۆ.

سونداي-اق، بۇگىنگى كۇنى كابينەتكە دەمەۋشى كورابليەۆتىڭ ەسىمى بەرىلىپ، ينتەراكتيۆتى تاقتا، پروەكتور، ۇستەلدەر، ءۇش كومپيۋتەر، پرينتەرلەرمەن قامتاماسىز ەتىلدى. الداعى ۋاقىتتا ستۋدەنتتەردىڭ ءبىلىم دەڭگەيىن كوتەرۋ ءۇشىن تەحنيكالىق ادەبيەتتەردى، پلاكاتتار مەن جۇمىس مودەلدەرىن ساتىپ الۋ جوسپارلانىپ وتىر.