اتىراۋدا جۇمىسسىزداردىڭ سانى قىسقاردى. 

«ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسى اتىراۋ قالاسىندا ءوز ناتيجەسىن كورسەتىپ جاتىر. جۇمىسسىز ازاماتتار قوعامدىق جۇمىستار مەن جاستار تاجىريبەسىنە ءجيى ارالاسىپ، ءوز بيزنەستەرىن اشۋدا. ناتيجەسىندە وتكەن جىلدىڭ ءبىرىنشى جارتىجىلدىعىمەن سالىستىرعاندا، اتىراۋداعى جۇمىسسىز ازاماتتار سانى 2 مىڭعا ازايعان»، - دەدى قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى نۇرلى حابييەۆا.

2018 جىلدىڭ العاشقى 6 ايىندا اتىراۋ قالاسىندا 6 815 جاڭا جۇمىس ورنى اشىلدى، بۇل وتكەن جىلعى كورسەتكىشتەن 25%-عا ارتىق.

ايتا كەتەلىك، باعدارلاما اياسىندا بەس جۇمىسسىز ءوز بيزنەسىن اشىپ، 866 ادام قوعامدىق جۇمىستارعا تارتىلدى، 83 جەرگىلىكتى تۇرعىن الەۋمەتتىك جۇمىس ورىندارىنا ورنالاسسا، 236 ادام جاستار تاجىريبەسىنەن، 104 ادام كاسىپتىك دايىندىقتان ءوتتى.