ەلوردا كۇنى قارساڭىندا اقتوبە وبلىسىنىڭ ورتالىعىندا اكۆاپاركتىڭ اشىلدى. بۇل كۇن جەرگىلىكتى تۇرعىنداردى ەرەكشە قۋانىشقا بولەدى. سالتاناتتى شاراعا وبلىس اكىمى بەردىبەك ساپاربايەۆ پەن قالا اكىمى ءىلياس يسپانوۆ قاتىستى.

اقتوبەلىكتەردى ەلوردا كۇنىمەن قۇتتىقتاعان وبلىس اكىمى اكۆاپاركتىڭ بالالارعا تاماشا كوڭىل كۇي سىيلايتىنىن اتاپ ءوتتى.

— سىزدەردى استانانىڭ 20 جىلدىعىمەن — ەلوردا كۇنىمەن شىن جۇرەكتەن قۇتتىقتايمىن. بۇل ءاربىر قازاقستاندىق ءۇشىن قازاق حالقىنىڭ ەلىمىزدىڭ جاڭا تاريحىنداعى مەملەكەتتىك تاۋەلسىزدىك الۋعا بايلانىستى جەتىستىكتەرىن بىلدىرەتىن ايتۋلى كۇن. استانا پرەزيدەنت نۇرسۇلتان نازاربايەۆتىڭ ستراتەگيالىق باعىتى تابىسىنىڭ نىشانىنا اينالدى. قازاقستاننىڭ جاڭا استاناسىن مەملەكەت باسشىسىنىڭ تۋىندىسى جانە ساياساتى سالتاناتىنىڭ ايقىن كورىنىسى دەپ تولىعىمەن ساناۋعا بولادى. وسى مەرەكەدە وبلىسىمىزدا جالپى قۇنى 10 ميلليارد تەڭگە تۇراتىن 32 جاڭا نىسان اشىلادى. ولاردىڭ قاتارىندا قالا تۇرعىندارى مەن قوناقتارى ءۇشىن سۇيىكتى دەمالىس ورنىنا اينالادى سەنىم ءبىلدىرىپ وتىرعان اكۆاپارك تا بار، — دەدى وبلىس اكىمى.

«باقىتتى بالا» وڭىرلىك جوباسى اياسىندا از قامتىلعان وتباسىلاردىڭ بالالارىنا اكۆاپاركتە تەگىن قىدىرۋ ءۇشىن سەرتيفيكاتتار تارتۋ ەتىلدى.

قالانىڭ قاق ورتاسىندا ورنالاسقان اكۆاپارك 3 گەكتار الاڭدى الىپ جاتىر، مۇندا توبەشىگى بار ءۇش باسسەين ورنالاسقان. سۋلى اتتراكسيوندارى بار بالالار ايماعى جەكە ورنالاسقان. دەمالۋعا كەلۋشىلەر ءۇشىن بارلىق جاعداي جاسالعان. مۇندا كۇن سايىن مىڭنان استام ادام تىنىعا الادى. الداعى ۋاقىتتا اكۆاپاركتى جوعارىدان كۇمبەزدەپ جابۋ جوسپارى بار، ول كەزدە جىل بويى دەمالىس ۇيىمداستىرۋ مۇمكىندىگى تۋادى.

— ءبىز ءۇشىن اقتوبەدە اكۆاپاركتىڭ اشىلۋى — ەرەكشە وقيعا. ونىڭ قۇرىلىسى وتكەن جىلى باستالعان بولاتىن. پاركتىڭ جازعى ايماعىنداعى جۇمىستار تولىعىمەن اياقتالدى. ءقازىر جابىق بولىگىن قۇرىلىمداۋ ۇستىندەمىز. ءبىزدىڭ كومپانيامىز وسىمەن ءۇشىنشى اكۆاپاركتى پايدالانۋعا بەرىپ وتىر. بۇعان دەيىن اقتاۋ جانە قىزىلوردا قالالارىندا وسىنداي دەمالىس ورنىن اشقانبىز. جەتى جاسقا دەيىنگى بالالار تەگىن كىرە الادى، ال بالالار مەن ۇلكەندەر ءۇشىن باعا 3-7 مىڭ تەڭگە ارالىعىندا، — دەيدى «Tree of life» قۇرىلىس سالۋ كومپانياسىنىڭ قۇرىلتايشىسى كاميلا سۋربايەۆا.

جوباعا سالىنعان ينۆەستيسيانىڭ جالپى مولشەرى 5،8 ميلليارد تەڭگە دەپ باعالاندى.