دۇنيەجۇزىلىك كوشپەندىلەر ويىنىندا قازاقستاندىق كوكپارشىلار وزبەكستانعا ەسە جىبەردى دەپ جازادى Qamshy.kz اقپارات اگەنتتىگى. وسىعان قاتىستى الەۋمەتتىك جەلىدە داۋلى ۆيدەو جاريالاندى. اتالمىش ۆيدەودا قىرعىز جىگىتى قازاق كوكپارشىلارىن جەردەن الىپ، جەرگە سالىپ ۇرسىپ تۇر.
ونىڭ ايتۋىنشا، قازاق جىگىتتەرىنىڭ ءومىرى كوكپار ويناماعان وزبەكتەردەن جەڭىلۋى ماسقارالىق ەكەن.
"بىلتىر، سەندەردىڭ ەلدەرىڭە بارعاندا جاقسىلاپ وينادىق. وزدەرىڭ ايتقان بارلىق ەرەجەلەرىڭە كەلىسىپ، ويناعانبىز. بىلتىر استاناعا مەن دە بارعانمىن. سول كەزدە قالاي بولعان ەدى؟ بارلىعىنا شىداپ، وينادىق قوي. ەندى نەگە سەندەر سول ءبىز سەكىلدى وينامايسىڭدار؟ ەي، مەيىرجان، وينامايسىڭدار ما؟ نامىس دەگەن بار ما ءوزى سەندەردە؟ بۇل سپورت قوي. نەگە ساياساتتى سپورتقا ارالاستىرىپ وتىرسىڭدار؟ "كوك بورىدەن" نەگە سونشاما قورقاسىڭدار؟ بۇل سپورت قوي. جىگىت سەكىلدى ويناپ كەتپەيسىڭدەر مە، ەلدەرىڭە؟ وزبەكستان ءومىرى كوكپار ويناماعان. قالاي ۇتىلىپ ەلدەرىڭە باراسىڭدار؟ قاي بەتتەرىڭمەن باراسىڭدار؟ مەن دەگەن قازاقتىڭ نامىستى جىگىتتەرى كەلىپ، بىرەۋدىڭ استىنا جاتىپ بەرگەندەرىڭ، ماسقارا بولدى عوي"، - دەيدى قىرعىز جىگىتى.
ۆيدەودا قازاق جىگىتتەرىنىڭ ءبىرى "ءبىز قولىمىزدان كەلگەنىن جاسادىق. سىزدەر دۇعا قىلىڭىزدار"، دەپ جاۋاپ قايىردى.
قىزۋ تالقىعا تۇسكەن ۆيدەوداعى قىرعىز جىگىتىنىڭ ق ر "كوك ءبورى" فەدەراسياسىنىڭ بۇرىنعى وكىلى تالاس بەگالييەۆ بولۋى مۇمكىن.
وسى ماسەلەگە بايلانىستى Qamshy.kz اقپارات اگەنتتىگى ۇلتتىق سپورت تۇرلەرىنىڭ قاۋىمداستىعىنىڭ پرەزيدەنتى بەكبولات تىلەۋحانعا مەن قاۋامداستىقتىڭ قىزمەتكەرلەرىنە حابارلاسقان بولاتىن. الايدا قوڭىراۋىمىزعا جاۋاپ بەرمەدى.
