رەسەي باسشىسى ۆلاديمير پۋتين يران جانە تۇركيا باسشىلارىمەن كەلىسسوزدەر وتكىزىپ جاتقاندا تەگەراندا وقىس وقيعا بولدى. جابىق كەلىسسوزدەردىڭ كۇن ءتارتىبى بەلگىلى بولىپ قالدى.
«ءبىز باسپا ءسوز ءماسليحاتى وتەتىن زالعا كىرىپ بارا جاتقانىمىزدا جاڭا قۇلاققاپ الدىم. ال وندا وتىرىستىڭ جابىق بولىگىنىڭ ترانسلياسياسى ءجۇرىپ جاتىر ەكەن. ونىڭ ۇستىنە ورىس تىلىنە اۋدارىلعان»، - دەلىنگەن «كوممەرسان» جاريالاعان اقپاراتتا.
بۇعان قوسا ۇيىمداستىرۋشىلار ءۇش باسشىنىڭ سويلەگەن ءسوزىن تىكەلەي ەفيردەن كورسەتكەن. سول ۋاقىتتا پۋتين مەن ەردوعاننىڭ اڭگىمەسى بارىسىندا ميكروفوننىڭ داۋسى قوسۋلى تۇردى.
ايتا كەتەيىك، ۆلاديمير پۋتين رەسمي ساپارمەن تەگەرانعا بارعان ەدى. وندا رەسەي-يران، تۇركيا اراسىندا ءۇش جاقتى سامميت ءوتتى. ماقساتى – سيرياداعى جاعدايدى رەتتەۋ. ءپۋتيننىڭ مالىمدەۋىنشە، سيرياداعى زاڭسىز قارۋلانعان توپ بۇلىك شىعارۋدى ويلاستىرىپ ءجۇر.
