«نۇر وتان» - باستاۋىش پارتيا ۇيىمدارىنىڭ جۇمىسىن جانداندىرۋ ماقساتىندا جاڭا تۇجىرىمداما جوباسىن ازىرلەدى. جاڭاشىلدىققا سايكەس باستاۋىش ۇيىم مۇشەلەرى قوعامدىق ومىرگە، پارتيا جۇمىسىنا بەلسەندى قاتىسىپ، ءوزىنىڭ تىڭ يدەيالارىن ۇسىنۋ ارقىلى پارتيالىق كادرلىق رەزەرۆىنە ەنىپ، "ساياسي لاۋازىمدىق"باسپالداق بويىنشا كوتەرىلۋىنە مۇمكىندىك بار. بۇل تۋرالى "نۇر وتان"پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ "اتىراۋ مۇناي وڭدەۋ زاۋىتى"بپۇ مۇشەلەرىمەن كەزدەسۋ بارىسىندا مالىمدەدى.

بۇگىندە مۇناي وڭدەۋ زاۋىتىندا 1 800-دەن استام جۇمىسشى بولسا، سونىڭ 1 200-گە جۋىق قىزمەتكەرى "نۇر وتان"پارتياسىنىڭ مۇشەسى. مۇندا جۇمىس ىستەيتىن جاستار پارتيانىڭ كادرلىق رەزەرۆىنە كىرىپ، جۇمىستان بولەك، قوعامدىق جۇمىستارعا بەلسەنە ارالاسىپ، بپۇ-نىڭ جانداندىرۋ اياسىندا بەرىلگەن مۇمكىندىكتى پايدالانىپ، قىزمەتتىك باسپالداق بويىنشا ءوسۋدى كوزدەيدى.

- زاۋىتتاعى جۇمىسىممەن قاتار، پارتيا مۇشەسى رەتىندە قوعامدىق ومىرگە بەلسەندى ارالاسامىن. ءوڭىرىمىزدىڭ ءومىرى جايلى ۇنەمى حاباردارمىن. تۇرعىنداردى تولعاندىرعان ماسەلەلەردى شەشۋگە اتسالىسىپ، كەيبىر ماسەلەلەر بويىنشا ءوز ۇسىنىستارىمدى بەرىپ، قالالىق پارتيا فيليالى تاراپىنان تالاي رەت قولداۋ تاپتىم. ەندى بپۇ-نىڭ جۇمىسىن جانداندىرۋ اياسىندا پارتيا بەلسەندى مۇشەلەرىنىڭ قىزمەت بويىنشا وسۋىنە مۇمكىندىك بەرۋدە، بۇل جاستار ءۇشىن ۇلكەن ىنتالاندىرۋ، - دەيدى اتىراۋ مۇناي وڭدەۋ زاۋىتىنىڭ وپەراتورى عالىم ساعيدوللا.

ماۋلەن اشىمبايەۆ مۇنايشىلار كەزدەسۋ بارىسىندا 2018 جىلعى 1 شىلدەدەگى جاعدايدا بويىنشا رەسپۋبليكامىزدا 1 ملن.-نان استام پارتيا مۇشەلەرىن بىرىكتىرەتىن 6 مىڭعا جۋىق باستاۋىش پارتيا ۇيىمدارى جۇمىس ىستەيتىنىن ايتتى. بۇگىنگى كۇنى «نۇر وتان» پارتياسى باستاۋىش پارتيا ۇيىمدارىنىڭ قىزمەتىن جانداندىرۋ تۇجىرىمداماسىنىڭ جوباسى ازىرلەنىپ، ونى جان-جاقتى تالقىلاۋ باستالىپ كەتكەن. شىمكەنت، قاراعاندى، پاۆلودار قالالارىندا 800-گە جۋىق پارتيا مۇشەسىنىڭ باسىن قوسقان «باستاۋىش پارتيا ۇيىمدارىنىڭ» فورۋمدارى ءوتتى. القالى جيىنداردا جاڭا دايارلانعان تۇجىرىمداما جوباسىنا بايلانىستى ايتىلعان پىكىرلەر، ۇسىنىستاردىڭ بارلىعى ىرىكتەلىپ، جىل سوڭىندا استانادا وتەتىن باستاۋىش پارتيا ۇيىمدارىنىڭ رەسپۋبليكالىق فورۋمىندا جاريالاناتىن بولادى.

- پارتيانىڭ ىرگە تاسى، باستى كۇشى ول باستاۋىش پارتيا ۇيىمدارى. قازاقستاندى ءۇشىنشى جاڭعىرتۋ اياسىندا ەلباسىنىڭ باستاماسىمەن قولعا العان باعدارلامالىق قۇجاتتاردىڭ، پارتيالىق جوبالاردى جۇزەگە اسىرۋ جولىندا باستاۋىش ۇيىمدارىنىڭ ءرولى ەرەكشە. قازىرگى كۇنى پارتيا قولعا العان: ءىت-سىنىپتار مەن ءىت-ورتالىقتارىن اشۋ، كىتاپحانالاردى، مەكتەپ اسحانالارى مەن سپورت الاڭدارىن جاڭعىرتۋ بويىنشا جوبالاردى حالىق اراسىندا ناسيحاتتاۋ، ءتۇسىندىرۋ جۇمىسىنا بەلسەندى قاتىسۋلارىڭىزدى كۇتەمىز، - دەدى ماۋلەن اشىمبايەۆ.

سونداي-اق، پرەزيدەنتتىڭ بەس الەۋمەتتىك باستاماسىنىڭ جانە جاڭا پارتيالىق جوبالاردىڭ جۇزەگە اسىرىلۋ بارىسىن باقىلاۋ ءۇشىن اتىراۋ وڭىرىنە ارنايى كەلگەن "نۇر وتان"پارتياسى ءتوراعاسىنىڭ ءبىرىنشى ورىنباسارى جاڭادان بوي كوتەرگەن جاتاقxانانى ارالادى.

ەلباسىنىڭ بەس الەۋمەتتىك باستاماسى اياسىندا سالىنعان عيمارات بيىل قولدانىسقا بەرىلىپ، جۇزدەن استام ستۋدەنتكە باسپانا بولۋدا.

- جاتاقحانادا ستۋدەنتتەردىڭ الاڭسىز تۇرىپ جانە وقۋى ءۇشىن بارلىق جاعداي جاسالعان. ستۋدەنتتەرمەن، جاس ۇستازدارمەن اڭگىمەلەستىك، ولار جاڭادان بوي كوتەرگەن ستۋدەنتتەر ۇيىنە قولجەتكىزگەنىنە قۋانىشتى. ال، بۇل پرەزيدەنت باعدارلاماسىنىڭ جۇيەلى جۇزەگە اسىپ جاتقانىنىڭ كورسەتكىشى. بەس الەۋمەتتىك باستاما ناقتى xالىقتىڭ الەۋقاتىن كوتەرىپ، وزگەدە الەۋمەتتىك ماسەلەلەردىڭ شەشىم تابۋىنا سەپتىگىن تيگىزۋدە. بۇل باعدارلاما تۇرعىندار تاراپىنان ۇلكەن قولداۋعا يە، - دەدى ماۋلەن اشىمبايەۆ.

ەلباسىنىڭ بەس الەۋمەتتىك باستاماسىنىڭ تاعى ءبىرى – شاعىن نەسيە بەرۋدى كوبەيتۋ. وسى باستامانىڭ وبلىستا قالاي جۇزەگە اسىرىلىپ جاتقانىن قاداعالاۋ ءۇشىن ماۋلەن اشىمبايەۆ «Caspiy Lana Atyrau» ءجشس-ى الاڭىندا ورنالاسقان «باستاۋ بيزنەس» باعدارلاماسىن وقىتاتىن ورتالىقتا بولدى. كاسىپكەرلەرمەن كەزدەسۋ بارىسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى باستاماسىنىڭ ماڭىزدىلىعىنا نازار اۋدارىپ، شاعىن جانە ورتا بيزنەستى قولداۋعا باعىتتالعان پارتيالىق جوبالار تۋرالى ايتىپ، پارتيا كاسىپكەرلەردى قولداۋ، قورعاۋ بويىنشا جۇمىستاردى جالعاستىراتىنىن جەتكىزدى.

سونداي-اق، ماۋلەن اشىمبايەۆ پارتيا باستاماسىمەن جۇزەگە اسىپ جاتقان «ۇزدىك الەۋمەتتىك جوبا» بايقاۋىنىڭ ايماقتىق جەڭىمپازى، وبلىستىق وڭالتۋ ورتالىعىندا ورنالاسقان «مۇگەدەك الەمى» قوعامدىق بىرلەستىگىنىڭ جۇمىسىمەن تانىستى. قوعامدىق بىرلەستىك بەلسەندىلەرىمەن كەزدەسۋ بارىسىندا پارتيا ءتوراعاسىنىڭ ءبىرىنشى ورىنباسارى پارتيا قىزمەتىن جاڭعىرتۋ اياسىندا مۇمكىندىگى شەكتەۋلى جانداردىڭ ءومىر ءسۇرۋ ساپاسىن جاقسارتۋعا باعىتتالعان «كەدەرگىسىز كەلەشەك» پارتيالىق جوباسىن ودان ءارى جانداندىرىپ، تيىمدىلىگىن ارتتىرۋدى قولعا العانىن اتاپ ءوتتى.

- بۇل جوبانى جۇزەگە اسىرۋ بارىسىندا ءبىز ناقتى ءتورت باسىمدىقتى انىقتادىق. بىرىنشىدەن، مۇمكىندىگى شەكتەۋلى جاندارعا ارنالعان كەدەرگىسىز ورتا قالىپتاستىرۋ. ەكىنشىدەن، ولاردىڭ ينكليۋزيۆتى ءبىلىم الۋلارىنا ىقپال ەتۋ. ۇشىنشىدەن، جۇمىسقا ورنالاسۋلارىنا قولداۋ كورسەتۋ. تورتىنشىدەن، وسى سالاعا قاتىستى زاڭنامالاردى ودان ءارى جەتىلدىرۋ. وسىلايشا پارتيا قۇر ستاتيستيكا ءۇشىن ەمەس، مۇمكىندىگى شەكتەۋلى جاندارعا ناقتى كومەك كورسەتۋدى كوزدەپ وتىر، – دەدى ماۋلەن اشىمبايەۆ.

سونىمەن قاتار، ماۋلەن اشىمبايەۆ ايماقتاعى پارتيا اكتيۆىمەن كەزدەستى. كەلەلى كەزدەسۋدە پرەزيدەنتتىڭ بەس الەۋمەتتىك باستاماسىنىڭ جانە جاڭا پارتيالىق جوبالاردىڭ جۇزەگە اسىرىلۋ بارىسىنا باقىلاۋ جۇرگىزىپ، اتقارىلعان جۇمىس بارىسى تالقىلاندى.