بۇگىن اقتوبەدە رەسپۋبليكالىق انالار سلەتى اياسىندا رەسپۋبليكاداعى تۇڭعىش «اناعا تاعزىم» رۋحاني-ادامگەرشىلىك تاربيە بەرۋ ورتالىعى اشىلدى.

سالتاناتتى شاراعا كسرو حالىق ءارتىسى ب،تولەگەنگوۆا، سوسياليستىك ەڭبەك ەرى ۆ.سيدوروۆا، بالالار قۇقىقتارى جونىندەگى ۋاكىل س.ايتبايەۆا، ق ر ۇعا اكادەميگى، رايسا كۇزدەنبايەۆا، ەتنوگراف زەينەپ احمەتوۆا، بەلگىلى اقىن ءارى جۋرناليست مارفۋعا ايقوجينا، ق ر ەڭبەك سىڭىرگەن قايراتكەرى ا.جاعانوۆا قاتىستى.

بىرەگەي جوبا «تۋعان جەرگە تاعزىم» اكسياسى اياسىندا دەمەۋشىلەر مەن وبلىس تۇرعىندارىنىڭ قاراجاتى ەسەبىنەن جۇزەگە اسىرىلعان. انانىڭ اق جاۋلىعى ىسپەتتى تۇرعىزىلعان ورتالىقتىڭ قۇنى 350 ملن تەڭگە.

«اتالمىش كەشەننىڭ اشىلۋى – بۇل ەسىمى ءارقايسىسىمىز ءۇشىن قاسيەتتى ءارى باعا جەتپەس بولىپ تابىلاتىن، قازاق حالقىنىڭ انالارىنا، قىزدارىنا دەگەن تاعزىم. بۇدان بىلاي كوپ بالالى انالارعا «التىن القانى»، «كۇمىس القانى» وسىندا تابىس ەتەتىن بولامىز. ءوڭىردىڭ دامۋى مەن وتباسىلىق قۇندىلىقتاردى نىعايتۋعا ايتارلىقتاي ۇلەس قوسقان اقتوبەلىك انالار ءۇشىن «انا داڭقى» توسبەلگىسىن دايىنداپ جاتقانىمىزدى ايتقىم كەلەدى. ونى ءومىرى وزگەلەر ءۇشىن ۇلگى بولارلىق ناعىز لايىقتى جاندار الاتىن بولادى. «اناعا تاعزىم» كەشەنى راسىمەن دە رۋحاني ورتالىققا اينالىپ، وسكەلەڭ ۇرپاقتى تاربيەلەۋدە ۇلكەن ءرول اتقاراتىنىنا سەنىمدىمىن»، - دەپ اتاپ ءوتتى وبلىس اكىمى بەردىبەك ساپاربايەۆ ورتالىقتىڭ اشىلۋ سالتاناتىندا.

ايتا كەتەيىك، ورتالىق قىزمەتى قازاق حالقىنىڭ ءسالت-داستۇرىن ەسكەرە وتىرا ايەلدىڭ وتباسىنداعى ءرولىن كۇشەيتۋگە، بولاشاق انالاردى تاربيەلەۋگە باعىتتالاتىن بولادى. مۇندا وسكەلەڭ ۇرپاققا بىلىم-تاربيە بەرۋ جۇمىستارى جۇرگىزىلىپ، جاستارعا قازىرگى قوعامدا قاجەت قۇندى باعدارلاردى دامىتۋعا مۇمكىندىك بەرەتىن پسيحولگيالىق جەڭىلدەۋ جانە كەڭەس بەرۋ، قولدانبالى ونەر، جالپى دامۋ، مۋزىكالىق تاربيە بەرۋ، ستيليستيكا جانە ديزاين، وتباسىلىق ترەنينگ پەن باسقا دا قىزمەت تۇرلەرىن كورسەتەتىن كابينەتتەر جۇمىس جاسايتىن بولادى.

«ورتالىقتىڭ قۇرىلىسىنا اقتوبە وبلىسىنىڭ كوپ تۇرعىنى قاتىستى. 200-دەن استام ادام جەكە شوتتارىنان ءوز اقشالارىن اۋداردى. ول 2 مىڭ، 50 مىڭ، ميلليون تەڭگە بولدى. سونداي-اق، 300-دەن اسا كاسىپورىن قاراجات ءبولدى. بارىنەن بۇرىن مۇعالجار مەن شالقار اۋداندارىنا العىس ايتقىم كەلەدى. اتالمىش اۋدانداردىڭ ءوندىرىس ۇجىمدارى ءبىر كۇندىك ەڭبەكاقىلارىن اۋداردى»، - دەپ مالىمدەدى قالا اكىمىنىڭ ورىنباسارى كۇلپارشىن ايدارحانوۆا.

ەكسكۋرسيا كەزىندە قوناقتار ۇلتتىق مۇراجايدى، ەكسپوزيسيالىق زالدى قاراپ شىقتى. مۇندا كەلۋشىلەر ەلىمىزدىڭ تاريحىندا ماڭىزدى ءىز قالدىرىپ كەتكەن قازاق حالقىنىڭ ايگىلى تۇلعالارىنىڭ ومىرىمەن جانە ەرلىكتەرىمەن تانىسا الادى. وسى جەردە سلەت دەلەگاتتارى وبلىستىق مۇراجايدىڭ «اقتوبە ولكەسىنىڭ جاۋھارلارى» اتتى كورمەسىن، پسيحولوگيالىق جەڭىلدەۋ جانە كەڭەس بەرۋ، قولدانبالى ونەر، جالپى دامۋ، مۋزىكالىق تاربيە بەرۋ، ستيليستيكا مەن ديزاين جانە ت.ب. كابينەتتەردى كوردى. شارا اياقتالعان سوڭ بولاشاق انالار اللەياسىندا العاشقى شىرشالار وتىرعىزىلدى.

ەسكە سالايىق، اقتوبەدە «رۋحاني جاڭعىرۋ» باعدارالاماسى اياسىندا ايەلدىڭ قوعامداعى ءرولى مەن مارتەبەسىن كوتەرۋ، مەملەكەتتىك ورگاندار مەن قوعام نازارىن قازىرگى وتباسىلاردىڭ، انا مەن بالا پروبلەمالارىنا اۋدارۋ، دەموگرافيالىق ساياساتتى دامىتۋ ماقساتىندا انالار سلەتى ءوتىپ جاتىر.

فورۋمعا ەلىمىزدىڭ بارلىق وڭىرىنەن كەلگەن قوعام، مەملەكەتتىك ورگاندار، ۇكىمەتتىك ەمەس ۇيىمدار، بيزنەس قۇرىلىمداردىڭ وكىلدەرى قاتىسۋدا.