سانكت-پەتەربور قالاسىنداعى پريمورسكيي اۋدانىندا جەتكىنشەكتەر №246 مەكتەپتىڭ 5-سىنىبىندا وقيتىن مۇگەدەك بالانىڭ ۇستىنە جانارماي قۇيىپ، ونى ورتەپ جىبەرگەن دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ. 

جايسىز جاعداي پەتەربۋرگ قالاسىنىڭ پريمورسكيي اۋدانىندا №246 مەكتەپ وقۋشىسى ساباقتان ۇيىنە قايتىپ كەلە جاتقان كەزدە بولعان. №635 مەكتەپتىڭ جوعارى سىنىپ وقۋشىلارى ون ءبىر جاستاعى بالانى سوڭىنان اڭدىپ، كەيىن ونى وزدەرىنىڭ ۇستىنەن شاعىم ءتۇسىردى دەپ كىنالاعان. شابۋىل جاساعان وقۋشىلار اراسىندا قىز بالا بولعان. 

11 جاسار جابىرلەنۋشىنىڭ اتا-اناسى ۇلدارىن قورلاۋ بۇعان دەيىن 2 رەت وسىعان ۇقساس جايت بولعانىن ايتىپ وتىر. ءبىرىنشى رەتتە ولار ونى ەلەكتروشوكەرمەن ۇرسا، ەكىنشى رەتتە بەتىنە بوياۋ جاعىپ كەتكەن

جوعارى سىنىپ وقۋشىلارى ۇستازداردان ۇرىس ەستىپ، كەيىن وسى ءۇشىن كەك قايتارعىلارى كەلگەن ەكەن. وقۋشىلار 11 جاسار بالانىڭ ۇستىنە جانعىش سۇيىقتىق قۇيىپ، كەيىن ورتەپ جىبەرگەن.

جابىرلەنۋشى سىرت كيىمى مەن ريۋكزاگىن دەرەۋ شەشىپ ۇلگەرىپتى. وسىنىڭ ارقاسىندا ونىڭ دەنساۋلىعىنا ايتارلىقتاي زيان كەلمەگەن. شوشىنعان بالانى وقيعاعا كۋا بولعان وزگە وقۋشىلار ۇيىنە دەيىن اپارىپ تاستادى. ونىڭ اتا-اناسى بولسا دەرەۋ پوليسياعا ارىز جازعان. ولار بالالارىنا كۇن كورسەتپەيتىندەردى جازالاۋدى تالاپ ەتىپ وتىر. جەرگىلىكتى باسىلىمداردىڭ حابارلاۋىنشا، بالاعا كىمدەردىڭ شابۋىل جاساپ جۇرگەندەرى بەلگىلى بولدى. جۋىردا ولار ءتيىستى جازالارىن الادى.