16 قىركۇيەكتە الماتى قالاسىنىڭ كۇنىن تويلاۋ كەزىندە قازاقستان رەسپۋبليكاسى تۇڭعىش پرەزيدەنتىنىڭ ساياباعىندا «ەڭ ۇزدىك اۋلا تازالاۋشى» بايقاۋىنىڭ جەڭىمپازدارىن ماراپاتتاۋ سالتاناتى ءوتتى. مەگاپوليس تۇرعىندارى كۇندە قالانىڭ تازالىعىن ساقتاۋعا تىكەلەي ات سالىسىپ جۇرگەن اۋلا تازالاۋشىلارمەن تانىسىپ، ولاردىڭ اۋىر جۇمىسى ءۇشىن العىسىن بىلدىرۋگە مۇمكىندىك الدى.

بايقاۋ 6 جىل قاتارىنان جۇلدەگەرلەر مەن جەڭىمپازداردى تاڭداپ، گۇلزارلار مەن جاسىل كوشەتتەردى تەگىستەپ، شارباق پەن جيەكتاستى سىرلاپ، اۋلانى تازا ۇستاپ جۇرگەن اۋلا تازالاۋشىلاردى 6 جىل قاتارىنان ماراپاتتاپ كەلەدى. جىل سايىنعى بايقاۋدى «ناعىز الماتىشا» قوعامدىق قورى «ەفەس قازاقستان» شس اق-نىڭ دەمەۋشىلىك قولداۋىمەن ۇيىمداستىرادى.

«ەفەس قازاقستان» شس اق كورپوراتيۆتىك قاتىناستار دەپارتامەنتىنىڭ ديرەكتورى شىڭعىس قاسكەيەۆ بيىل ديپلوم مەن اقشالاي جۇلدەنى بايقاۋ جەڭىمپازى روزاكوۆا توقتىحانعا تابىستادى. بۇل نازىك كەلىنشەك ونىڭ اۋلاسى ەڭ تازا ەكەنىن تالاي مارتە دالەلدەپ كەلەدى. «مەنىڭ جۇمىسىم ماعان ۇلكەن جاۋاپكەرشىلىكتى ارتادى. اۋلا تازالاۋشى – بۇل جاقسى كاسىپ، نەگىزى وعان كوبىسى ءمان بەرە بەرمەيدى. اۋلانى تازالاپ، وعان قاراعان كەزدە كوزىڭ قۋانادى. كەيبىر تۇرعىندار تازالىق ءۇشىن راحمەتتەرىن دە ايتىپ تۇرادى. مەن ءوز جۇمىسىمدى جاقسى كورەمىن».

ەكىنشى ورىن ءۇشىن ديپلوم مەن اقشالاي جۇلدەنى گوۆوروۆ اندرەي يەلەندى. جاستايىنان مۇگەدەكتىككە شالدىققان ول وزىنە تاپسىرىلعان اۋماقتى ءمىنسىز تازالىقتا ۇستاپ، ءوز جۇمىسىن ۇقىپتىلىقپەن، ۇلكەن ىقتيارمەن اتقارادى. ءۇشىنشى ورىن ءۇشىن ءۇش جۇلدە ۇشىروۆ شاريپكە، ءابىموۆ امانگەلدىگە، لازاريەۆا گاليناعا تابىستالدى.

«اۋداننىڭ ەڭ ۇزدىك اۋلا تازالاۋشىسى» اتاعى، سىيلىق سەرتيفيكاتى جانە ديپلوم بيىل كەلەسى جۇمىسشىلارعا تابىستالدى:

«ەفەس قازاقستان» كومپانياسى كورپوراتيۆتىك الەۋمەتتىك جاۋاپكەرشىلىككە ۇلكەن كوڭىل بولەدى. ماسەلەن، «ەڭ ۇزدىك اۋلا تازالاۋشى» جوباسىن ءبىز 6 جىل قاتارىنان قولداپ كەلەمىز. جوبانىڭ باستى ماقساتى – ءبىزدىڭ سۇيىكتى قالامىز الماتىنىڭ تازالىعىن ساقتاۋعا تىكەلەي ۇلەسىن قوسىپ جۇرگەندەردى ىنتالاندىرۋ، - دەپ اتاپ ءوتتى شىڭعىس قاسكەيەۆ. – اۋلا تازالاۋشىلاردىڭ بىرنەشە ايلىعى كولەمىندەگى ەلەۋلى اقشالاي جۇلدەگە قوسا، ءبىز جەڭىمپازداردى سالتاناتتى ورتادا ماراپاتتاپ، وسىلايشا ولارعا دەگەن ۇلكەن قۇرمەتىمىزدى بىلدىرگىمىز كەلەدى».

اۋقىمدى بايقاۋدىڭ ءبىرىنشى كەزەڭى 15 مامىردا باستالىپ، 15 ماۋسىمعا دەيىن جالعاستى. 200-دەن اسا ءوتىنىم جينالدى. ەكىنشى كەزەڭ، ياعني داۋىس بەرۋ 15 ماۋسىم – 15 تامىز ارالىعىندا ءوتتى. ءاربىر كەزەڭدە الماتىلىقتار ولاردىڭ ويىنشا ەڭ ۇزدىك اۋلا تازالاۋشىعا ءوز داۋىستارىن بەردى. 70 000-نان اسا داۋىس جينالدى. بايقاۋدىڭ ءۇشىنشى كەزەڭىندە «قۇپيا تەكسەرۋشى» ەكىنشى كەزەڭدە ەڭ كوپ داۋىس جيناعان اۋلا تازالاۋشىلاردىڭ 30 اۋلاسىن تەكسەرىپ شىقتى. 11 قىركۇيەك كۇنى كوميسسيا وتىرىسىندا جەڭىمپازدار انىقتالدى.