بۇگىن قوستاناي وبلىسىنا ارنايى بارعان «نۇر وتان» پارتياسى ءتوراعاسىنىڭ ءبىرىنشى ورىنباسارى وسىلاي دەدى.
ەلباسى ءوزىنىڭ بەس الەۋمەتتىك باستاماسىنىڭ جۇزەگە اسىرىلۋىن باقىلاۋدى «نۇر وتان» پارتياسىنا تاپسىرعانى بەلگىلى. سوعان وراي پارتيا رەسپۋبليكالىق جانە ايماقتىق قوعامدىق كەڭەستەر قۇرىپ، جۇيەلى جۇمىس جۇرگىزۋدە. وسى ماقساتتا ماۋلەن اشىمبايەۆ وڭىردە اتقارىلىپ جاتقان جۇمىستارمەن تانىسۋ ءۇشىن قوستاناي مەملەكەتتىك پەداگوگيكالىق ۋنيۆەرسيتەتىنە باردى. وقۋ ورداسىنىڭ رەكتورى ەركىن ءابىل ءۇشىنشى «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحانالارداعى جاعدايىن جاقسارتۋ» باستاماسىنىڭ ۋنيۆەرسيتەتتە قالاي جۇزەگە اسىرىلىپ جاتقانى تۋرالى ايتىپ بەردى. ونىڭ سوزىنە قاراعاندا، بۇگىندە جوعارعى وقۋ ورنىندا 2 804 ستۋدەنت ءبىلىم الادى. ۋنيۆەرسيتەتتىڭ 465 ورىندىق 5 قاباتتى ءبىر عانا جاتاقحاناسى بار. دەگەنمەن، تاعى 344 ورىن قاجەت. وسى ماسەلەنى شەشۋ ءۇشىن ەلباسىنىڭ بەس الەۋمەتتىك باستاماسى اياسىندا ءۇش قاباتتى، ءارقايسىسى 86 ورىندىق 4 عيماراتتان تۇراتىن كامپۋس سالۋ جوسپارلانىپ وتىر.
بەس الەۋمەتتىك باستاما اياسىنداعى «7-20-25» باعدارلاماسى دا قوستاناي وبلىسىندا تابىستى جۇزەگە اسىرىلۋدا. ءقازىردىڭ وزىندە ءبىرقاتار قوستانايلىقتار وسى باستامانىڭ ناتيجەسىندە تۇرعىن ۇيگە قول جەتكىزىپ، باسپانالى بولۋدا. اتاپ ايتقاندا، جاڭادان بوي كوتەرگەن «التىن ارمان» شاعىن اۋدانىنداعى بىرنەشە كوپ قاباتتى ءۇي «7-20-25» باعدارلاماسى بويىنشا بەرىلۋدە. ماۋلەن اشىمبايەۆ وبلىس اكىمى ارحيمەد مۇحامبەتوۆپەن بىرگە وسىنداي قۋانىشقا كەنەلگەن پاتەر يەلەرىن قۇتتىقتاپ، سالتاناتتى كىلت تاپسىرۋ راسىمىنە قاتىستى.
باسپانالى بولعان وتباسىلارىمەن كەزدەسۋدە «نۇر وتان» پارتياسى ءتوراعاسىنىڭ ءبىرىنشى ورىنباسارى بۇل باستامانىڭ ۋاقىتىلى قولعا الىنعانىن اتاپ ءوتتى. سونداي-اق ول اتالعان باعدارلامانىڭ پايىزدىق كورسەتكىشى مەن العاشقى جارناسىنىڭ تومەن بولۋى پاتەر الۋداعى ەڭ ءتيىمدى تەتىك ەكەنىنە نازار اۋداردى.
– پرەزيدەنتتىڭ بەس الەۋمەتتىك باستاماسى حالىقتىڭ ءال-اۋقاتىن جاقسارتۋ ءۇشىن دەر كەزىندە قولعا الىنعان باعدارلاما. ءقازىردىڭ وزىندە ەلىمىز بويىنشا تۇرعىندار بۇل باستامالاردىڭ ناقتى ناتيجەسىن كورىپ وتىر. ارينە، بارلىق باستامانىڭ ماڭىزى جوعارى. دەگەنمەن، حالىقتىڭ باسپانالى بولۋىن قامتاماسىز ەتەتىن «7-20-25» باعدارلاماسى وتە وزەكتى. وعان ءوتكەن جىلى ەلىمىزدە 11 ملن. شارشى مەتر ءۇي پايدالانۋعا بەرىلگەنىمەن، باسپاناعا دەگەن سۇرانىستىڭازايماۋى دالەل. سەبەبى، ءاربىر قازاقستاندىق ءوز پاتەرىنە قول جەتكىزگىسى كەلەدى. سوندىقتان دا ەلباسى وسىنداي باعدارلامانى جاريالاپ، كوپ ماسەلەنىڭ ءتۇيىنىن شەشىپ بەردى،– دەدى ماۋلەن اشىمبايەۆ.
سونىمەن قاتار ساپار بارىسىندا پارتيا ءتوراعاسىنىڭ ءبىرىنشى ورىنباسارى پارتيانىڭ «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق» اۋداندىق فيليالىنا قاراستى باستاۋىش پارتيا ۇيىمدارىنىڭ توراعالارىمەن جانە كاسىپورىننىڭ ەڭبەك ۇجىمىمەن كەزدەستى. سونداي-اق «رۋحاني جاڭعىرۋ» باعدارلاماسى بويىنشا وڭىرلىك جوبالاۋ كەڭسەسىندە بولدى جانە پارتيا قىزمەتىن جاڭعىرتۋ اياسىندا قولعا الىنعان جاڭا جوبالاردىڭ ايماقتا جۇزەگە اسىرىلۋ بارىسىمەن تانىستى.
