تانىمال فۋتبولشى كريشتيانۋ رونالدۋدىڭ باسى داۋعا قالدى دەپ جازادى Qamshy.kz اقپارات اگەنتتىگى.  امەريكالىق كەترين مايورگا نەمىستىڭ Der Spiegel جۋرنالىنا اشىق مالىمدەمە جاسادى. امەريكالىقتىڭ سوزىنشە، رونالدۋ وسىدان 9 جىل بۇرىن كەتريندى زورلاعان. 

ال رونالدۋ بولسا، توسەك قاتىناسىنىڭ ەكى جاقتىڭ قالاۋىمەن جۇزەگە اسقانىن ايتادى. ونىڭ سوزىنشە، قىز بۇنداي قادامعا اقشا تابۋ ءۇشىن بارىپ وتىر.

ءقازىر پورتۋگاليا قۇراماسىنىڭ كاپيتانى رونالدۋ نەمىس جۋرنالىن جالعان اقپارات تاراتقانى ءۇشىن سوتقا بەرمەك. شەتەلدىك باق-تىڭ دەرەگىنە سۇيەنسەك، 2009 جىلى رونالدۋ كەترين مايورعا بۇل اقپاردى جۇرتقا جاريا قىلماۋى ءۇشىن 375 مىڭ دوللار بەرگەن. 

Skudetto Sports ءوزىنىڭ الەۋمەتتىك جەلىسىنە رونالدۋ مەن كەتريننىڭ لاس-ۆەگاستاعى بي كەشىنىڭ بىرىندە تۇسكەن سۋرەتى مەن قىزدىڭ بولعان وقيعا تۋرالى ايتقان مالىمدەمەسىن جاريالادى. 

"مەن رونالدۋعا  ءتۇندى بىرگە وتكىزگىم كەلمەيتىنىن ايتتىم. الايدا ول مەنىڭ "جوق"، دەپ ايتقانىما قاراماي مەنى زورلادى"، دەيدى كەترين.