جاڭاوزەن وقيعاسىنا قاتىستى التى جىلعا سوتتالىپ، جازاسىن وتەپ شىققان ەرەۋىلشىلەر بەلسەندىسى ماقسات دوسماعامبەتوۆ 29 قىركۇيەكتە قاتەرلى ىسىكتەن قايتىس بولدى دەپ حابارلايدى Qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. بۇل تۋرالى دوسماعامبەتوۆتىڭ اناسى وڭايگۇل دوسماعامبەتوۆا حابارلادى.
ماقسات دوسماعامبەتوۆ بەت سۇيەگىندەگى قاتەرلى ىسىك دياگنوزىمەن ماڭعىستاۋ وبلىستىق اۋرۋحاناسىنىڭ ونكولوگيالىق بولىمىندە جاتقان.
ول 2011 جىلى جاڭاوزەندە «جاپپاي تارتىپسىزدىكتى ۇيىمداستىرۋشى» دەپ تانىلىپ، التى جىلعا سوتتالعان. قازاقستان سوتىنىڭ بارلىق اپەللياسيالىق ينستانسيالارى ونىڭ جازاسىن جەڭىلدەتۋدەن دە، ءىستى قايتا قاراۋدان دا باس تارتقان. 2011 جىلعى اقتاۋداعى سوتتا ماقسات دوسماعامبەتوۆ ەڭ العاش رەت تۇرمەدەگى ازاپتاۋ تۋرالى اشىق مالىمدەمە جاساپ، ونىڭ تەرگەلۋىن تالاپ ەتتى. ونىڭ ارىزىنان سوڭ قاماۋداعى 21 مۇنايشى سوتقا ازاپتاۋ تۋرالى شاعىم ءتۇسىردى. سوت ساراپتاماسى ونىڭ قابىرعاسىنىڭ، بەت جاق سۇيەگىنىڭ سىنعانىن انىقتاعان.
2015 جىلى 5 اقپاندا ماقسات دوسماعامبەتوۆ شارتتى تۇردە مەرزىمىنەن بۇرىن بوساتىلدى. 2017 جىلى 19 جەلتوقساندا جازاسىن تولىق وتەدى.
