رەسەي 5 بىردەي قازاقستاندىق كومپانيانىڭ ونىمدەرىن سانيتارلىق تالاپقا ساي ەمەس دەپ شارا قولدانىپ جاتىر. كورشى ەلدەگىلەردىڭ ايتۋىنشا، ءبىزدىڭ ەلدەن ەكسپورتتالعان قۇس ەتى مەن بالىق، شۇجىق جانە ەت كونسەرۆىلەرىنىڭ قۇرامىندا ۆەتەرينارلىق-سانيتارلىق تالاپتار ورەسكەل بۇزىلعان دەپ حابارلايدى Qamshy.kz اقپارات اگەنتتىگى كتك تەلەارناسىنىڭ اقپاراتىن نەگىزگە الىپ.
رەسەي ۆەتەرينارلىق جانە فيتوسانيتاريالىق باقىلاۋ قىزمەتىنىڭ مالىمدەۋىنشە، الگى ونىمدەر رەسەي مەن ەۋرازيا ەكونوميكالىق وداعىنىڭ سانيتارلىق تالاپتارىنا ساي كەلمەيدى. ويتكەنى ءبىر كومپانيانىڭ كونسەرۆلەنگەن مايشاباقتارىنان دەنساۋلىققا اسا ءقاۋىپتى بەنزاپيرەن كومىرتەگى ەكىنشى رەت انىقتالىپتى. ەندى وعان 29-شى قىركۇيەكتەن باستاپ رەسەيگە ءونىمىن تاسىمالداۋعا ۋاقىتشا شەكتەۋ قويىلعان. ونىمدەرى ساپاسىز دەپ تانىلعان قالعان 4 كومپانيانىڭ تاۋارلارىنا قاتىستى زەرتحانالىق باقىلاۋ كۇشەيتىلىپتى. ەكىنشى رەت كەمشىلىگىمەن كوزگە تۇسسە، ولاردى دا وسىنداي جازا كۇتىپ تۇر. رەسەي ونسىز دا ءبىزدىڭ مال شارۋاشىلىعى ونىمدەرىمىزگە قاراشادان باستاپ شەكتەۋ قويماق. ونىڭ سەبەبى، قازاقستان تاراپى تاسىمال مەرزىمدەرىن دۇرىس ساقتامايدى ەكەن.
